Os nómades dixitais e as súas oportunidades centran o último encontro do Eixo Atlántico en Ourense
Representantes locais e rexionais, procedentes de preto dunha decena de países europeos, participaron no acto da entidade transfronteiriza.
Internet permítenos estar conectados en calquera recuncho do planeta. Esta é unha vantaxe que están a aproveitar cada vez máis persoas, aquelas cuxo traballo depende en gran medida dun computador e unha boa conexión a internet. Esta flexibilidade é a que motivou a moitos a abandonar as cidades e ir a lugares menos congestionados e apracibles, onde a vida é máis repousada e as oportunidades para establecer a longo prazo son maiores. Son os chamados nómades dixitais, unha figura de gran interese para facer fronte ao reto demográfico e que o Eixo Atlántico do Noroeste Peninsular ha querido pór a debate encima da mesa.
O encontro do Eixo celebrouse en Ourense e nesta reunión participaron, ademais de representantes locais, representantes de Galicia, Portugal e outros sete países europeos que forman parte do proxecto financiado pola Comisión Europea no marco do programa Interreg Europe, que encabeza o propio Eixo.
É nesta proposta onde os nómades dixitais son o eixo central, resultando un elemento "idóneo para a repoboación de zonas do interior de baixa densidade de poboación pero cunha gran calidade de vida". Así, desde o Eixo demandan que se destinen os recursos necesarios para que estes territorios dispoñan das infraestruturas que necesitan estes nómades dixitais, como unha boa conexión a internet como servizo que poidan ser "atractivos" para establecer nun lugar e desenvolver o seu labor.
"Este proxecto expón, ademais, a posibilidade de vincular as estratexias do reto demográfico coa innovación e a captación de talento, configurando unha folla de ruta que dote de competitividade aos territorios de baixa densidade de poboación e captación de investimentos para a xeración de actividade económica", consideran desde o Eixo tras o encontro que contou coa participación do vocal asesor da Secretaría Xeral para o Reto Demográfico do Goberno de España, Miguel Ángel Pérez Grande, así como Alfredo García, alcalde do Barco de Valdeorras e vicepresidente do Eixo, e Xoán Vázquez Mao, secretario xeral da entidade, xunto a figuras da Deputación de Ourense.
O proxecto engarza á perfección cpn a estratexia que desenvolve Secretaría Xeral para o Reto
Demográfico de "impulsar a creación de centros de innovación territorial para estas zonas". "A finalidade última é a elaboración dun catálogo de propostas que a Comisión Europea recolla nos seus programas futuros e que vincule as tres prioridades da Eurorrexión: reto demográfico, innovación e captación de talento", resume a organización.
Escribe o teu comentario