O prezo do peixe galego baixa polos pélets, alertan as confrarías

O conselleiro do Mar, Alfonso Villares, animaba a consumir pescado o pasado 5 de xaneiro nunha visita realizada á costa de Lugo. Por outra banda, cando o problema dos pelets de plástico estaba xa no seu punto álxido, o propio Villares quixo rebaixar o temor da poboación a consumir peixe ante a posibilidade de conter microplásticos que puidesen afectar á saúde das persoas, palabras que algúns consideraron “desafortunadas”: “entran por onde entran e saen por onde salguen”. No medio, a Fiscalía de Medio Ambiente decidía intervir ante “indicios de toxicidade”.

PESCA DO DÍA

Basilio Otero, presidente da Federación Española de Confrarías apunta que o actual estado das cousas está a afectar á pesca do día. “De momento temos unha baixada de prezo considerable no produto”. Otero valora que esta baixada dos prezos débese a unha alarma inxustificada. Antes da aparición dos pelets na costa, os microplásticos xa estaban presentes no mar.
 

“Non debemos normalizar a presenza de plástico en augas mariñas, con todo a presenza de micro e nanoplásticos no mar ten o seu punto de procedencia en terra”, apunta Otero. Para ejemplificar isto, o presidente das confrarías españolas indica que mesmo un plástico na rúa pode acabar no mar sen darnos conta.
 

Con todo, no tocante aos prezos das capturas segundo a última venda realizada o día 12 de xaneiro de 2024, os prezos baixaron considerablemente nalgunhas especies como o congro, tanto en portos do Cantábrico como Burela e na Costa da Morte, caso de Malpica. Se nos fixamos noutras especies como o xurelo (xurelo, chicharro) en ambos os portos o prezo subiu con respecto ao mes de decembro segundo o portal www.pescadegalicia.gal.

“De momento temos unha baixada de prezo considerable no produto”
 

Certo é que existen factores como o fin das festas do Nadal que empuxan cara abaixo o prezo de especies como percebe, robaliza ou besugo, pero aínda así, os prezos en xeral polo consultado na web pescagalicia.gal, os prezos parecen manter unha constante desde inicios de 2023 até hoxe.
 

E que ocorre cos pelets? “Os plásticos quedarán no tracto dixestivo do peixe, esa parte queda eliminada, non se comen as vísceras dos peixes” destaca Otero. Nese punto pide tranquilidade á poboación e remarca que os controis sanitarios en España son moi exixentes.

Noutra orde de cousas, a Federación Nacional de Confrarías manterá conversacións co Ministerio para a Transición Ecolóxica e Reto Demográfico (Miteco) ao que reprochan non haber posto en contacto con eles para liquidar un problema que “se está politizando” ante unhas eleccións autonómicas próximas. A futuro todo é incerteza. O prezo do peixe do día se que se pode ver resentido e o temor é que diminúa a medida que pasen os días.

Perda de confianza

Aínda que Basilio Otero e as autoridades pesqueiras galegas piden calma, o certo é que si se detecta algún grao de toxicidade no peixe, a confianza no produto por parte dos consumidores diminuirá. A tradución disto é que a flota pode ver reducida a súa actividade coa consecuente perda de empregos, non só na pesca, tamén no marisqueo e na industria vinculada a estas dúas actividades.

O prezo do peixe do día se que se pode ver resentido e o temor é que diminúa a medida que pasen os días

Por outra banda, economicamente a limpeza de residuos plásticos implicaría custos a maiores na industria pesqueira. Isto é así porque dalgunha forma, a industria do mar debe achegar ingresos para a depuración e limpeza do mar, algo moi difícil a día de hoxe.

Os gastos en limpeza e mantemento das costas súmanse ás posibles perdas económicas no sector pesqueiro. A iso iría aparellada unha perda de postos de traballo e de ingresos. O tal caso, os últimos informes das universidades de Vigo e Coruña apuntan a unha baixa toxicidade dos pelets.