Guille Bo e Trilli, a dupla made in Abegondo que se fixo dona das bandas do Real Valladolid

As bandas do Estadio José Zorrilla teñen acento galego. Este verán o cadro valisoletano sufriu unha importante reconversión tras a bochornosa campaña anterior na que os blanquivioletas perderon a categoría como faroliño vermello de Primeira e despois da saída de Ronaldo Nazario á fronte do club valisoletano. Os ventos de cambio trouxeron a beiras do Pisuerga a dous novos talentos galegos, Guille Bo e Trilli, que tras saír da canteira do Deportivo da Coruña estréanse en Segunda División nun ano crucial tanto para o Valladolid como para as súas carreiras.

RUMBO A PRIMEIRA

Guille é irmán de Hugo Bueno, lateral que se fixo xa unha carreira na Premier League e despuntou o ano pasado cedido nas filas do Feyenoord, onde debutou en Champions League. A carreira do seu xemelgo foi un pouco diferente, aínda que cando saíu de Galicia rumbo ao Borussi Dortmund prometía radicalmente distinta. As lesións frearon a súa progresión nun primeiro momento, aínda que sempre gozou de minutos no filial amarelo. O ano pasado saíu cedido ao Darmstadt da Segunda Alemá, a súa primeira experiencia no fútbol profesional. Sen oco no primeiro equipo dos xermanos, saíu este verán rumbo a Valladolid. 

Nunha situación similar arribou Trilli a Valladolid. Unha gran promesa da factoría do Deportivo, parte desa fornada xuvenil que acabou gañando o campionato nacional, chegando a debutar co primeiro equipo branquiazul. O seu bo papel en Riazor chamou a atención do Fútbol Club Barcelona, que o ingresou en canto puido na Masía. Con todo, durou só dous cursos no filial azulgrana, que sufriu o decenso a Segunda RFEF o ano pasado. Caer á cuarta categoría non era sedutor para Trilli, que saíu da cidade condal para enfundarse a blanquivioleta. 

Neste arranque de tempada os dous foron moi utilizados por Almada nos esquemas do Valladolid. Até o pasado fin de semana, ante o Mirandés, Bo contaba as súas presenzas por titularidades, sendo o derbi contra os burgaleses a única ocasión na que descansou e non gozou de minutos. A súa suplencia, en calquera caso, debe entender como unha chamada de atención do técnico a todos os xogadores para estar espelidos e listos en cada ocasión, facendo partícipes a pouco habituais como Garriel, até a oitava xornada recambio de Bo.

Trilli, en cambio, foi sempre home de refresco no perfil dereito, dominado até hoxe por Iván Alejo, futbolista da cidade que dispón da súa primeira oportunidade no equipo da súa terra. No entanto, a competencia non amedrentou a Trilli, que como Bo só perdeuse o duelo contra o Mirandés, sendo un sopro de aire fresco nos sete partidos anteriores. 

O Valladolid ocupa hoxe posto de media táboa coa mirada fixa no medio prazo sobre o playoff -a só un punto- e a longo prazo sobre os postos de ascenso directo -a catro puntos de distancia-. Tras tres semanas seguidas sen gañar e asinar un dous de nove, os blanquivioletas tratarán de darlle un xiro á situación o domingo en Burgos, noutro exixente derbi castellanoleonés. Bo e Trilli están frescos e listos para o que se lles poña por diante. O seu bo facer achegará ao Real Valladolid de regreso a Primeira e aos dous galegos ao seu esperado debut na elite.