A ponte da estrada de Caxadas a Baíñas, en Vimianzo, abrirá, previsiblemente, a mediados de novembro

A Deputación da Coruña prevé abrir ao tráfico a ponte que une Caxadas a Baíñas, na localidade coruñesa de Vimianzo, a mediados do mes de novembro. As obras de ampliación e mellora da estrada DP 9203 avanzan a bo ritmo e supoñen un importante investimento de case 1,5 millóns de euros.

Desta forma, a intervención contempla unha reparación integral da ponte sobre o río Castro, que obrigou a curta o tráfico e establecer a correspondente alternativa de circulación.

Esta obra permitirá construír unha senda peonil de case dous quilómetros de logitud e mellorar o sinuoso trazado da vía do núcleo de Padreiro, que tiña curvas perigosas nas que se rexistrou de sempre unha alta sinistralidade.

A estrutura ao paso do río Castro será renovada completamente e terá capacidade para desaguar, algo para o que non estaba preparada até o momento. Os traballos están a seguir os pasos previsto e cúmprese o prazo de obra.