Galicia é a segunda comunidade que xera máis residuos por habitante
A estatística revela un aumento alarmante con respecto a 2014, de case o 50%.
Galicia situouse en 2015 como a segunda comunidade autónoma en que os seus habitantes xeran maior número de residuos per cápita, só superado polos habitantes de Illas Baleares.
Concretamente, segundo o último estudo do Instituto Nacional de Estatística (INE) publicado este martes, os galegos xeraron 622,3 quilos por persoa ese ano, por detrás dos baleares, que crearon 800,6 per cápita.
En total, Galicia contabilizou 1,7 millóns de toneladas de residuos ao peche de 2015, dos 22,2 millóns de toneladas de todo o Estado, unha cifra que supuxo un incremento do 48,9% fronte a 2014, cando esta quedou en 1,14 millóns toneladas.
A Comunidade autónoma que maior número de residuos xerou en 2015 foi a de Andalucía, con 4,2 millóns toneladas; mentres que a que menos residuos contabilizou foi A Rioxa, con 126.900 toneladas.
Por tipoloxía de residuos, en Galicia recolléronse en 2015 un total de 32.600 toneladas de papel e cartón; 39.700 toneladas de vidro; 22.100 de envases mixtos e 1,4 millóns de toneladas de residuos mesturados.
Necesítanse case 100 barcos para recoller o lixo que se acumulou nas Cíes este ano
Unha factura do lixo para que pague máis quen máis residuos xera
Escribe o teu comentario