En Marea sitúase en contra de legalizar os ventres de aluguer

|

Maternidadsubrogadadebate// @En_Marea


En Marea concretou, nun debate "central" desenvolvido este fin de semana en Santiago, a súa postura con respecto aos ventres de aluguer, cuxa legalización supón para os seus integrantes como "regularizar a mercantilización do corpo da muller".


"Asistimos a un novo episodio na mercantilización dos corpos das mulleres, de novo, baixo os parámetros da súa función reprodutiva", recolle o argumentario de En Marea tras dous meses de asembleas por distintos puntos de Galicia.


No documento de conclusións sobre o tema tamén apostan por empregar o termo 'ventres de aluguer' en lugar de 'xestación subrogada', para "focalizar a compoñente mercantilista do proceso" e "o emprego do corpo da muller coma se fose un medio de produción".


Para En Marea "é preciso aclarar os conceptos" en relación a esta cuestión, xa que en moitos casos o que transcende é "un relato incompleto e sesgado". "Son moitos os eixos e perspectivas que debemos ter en conta neste debate e un dos fundamentais, que determinará posicionamentos posteriores, pasa pola concepción que temos da maternidade e da paternidade, pois estas non poden ter a categoría de dereitos, e non deben mesturarse co dereito á reprodución, xa recoñecido", apuntan.


Invocar á liberdade individual neste contexto "non deixa de ser unha falacia" para En Marea, dado que a sociedade está inmersa "nun modelo de consumo acrítico, onde todo queda subalternizado á capacidade de pagar para satisfacer estes desexos e onde o único dereito que parece ser respectado en todas as circunstancias é o de poder consumir".

relacionada Pedro Sánchez posiciónase en contra da "mal chamada maternidade subrogada"

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE