Fondo Galego doa 8.000 euros a un municipio ecuatoriano afectado por un sismo

Este diñeiro está destinado á "adquisición, instalación e configuración" do material informático perdido tras o terremoto. 


|

Ecuadorterremoto


O Fondo Galego de Cooperación e Solidariedade achegou 8.000 euros para a reposición dos sistemas informáticos da casa do Concello do municipo ecuatoriano de Jama, afectado polo terremoto de 7,8 graos rexistrado no país latino en abril deste ano.


A causa do sismo --que causou máis de 23.000 mortos, 27 deles en Jama--, o 85 por cento dos edificios desta localidade quedaron inutilizables, entre eles a Casa Consistorial.


Segundo informou este xoves o Fondo Galego, integrado por 88 concellos galegos e as deputacións de Lugo e A Coruña; esta entidade doou 8.000 euros para a "adquisición, instalación e configuración" do material informático perdido tras o sismo.


Ademais de Fondo Galego, na iniciativa tamén participou o Fons Catalá de Cooperació ao Desenvolupament con 2.000 euros e a Asociación Latinoamericana para a Integración dos Inmigrante (ALII).


A localidade de Jama, situada na provincia de Manabí, foi a segunda cidade máis afectada polo terremoto do pasado 16 de abril e atópase a pouco máis de 50 quilómetros do epicentro do sismo.

relacionada Un terremoto en Ecuador deja 1.500 heridos y 235 muertos a su paso

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE