Gómez-Reino insiste no cesamento de Louzán, que o demandou por chamalo "corrupto", á fronte da RFGF​

O líder de Podemos Galicia, Antón Gómez-Reino, reitera, unha vez máis, a urxencia de apartar a Rafael Louzán da Real Federación Galega de Fútbol, ao que a Audiencia Provincial de Pontevedra mantivo a pena de 7 anos de inhabilitación. 

"Se Louzán está inhabilitado para exercer cargos públicos non pode formar parte dos órganos de goberno, así o recolle os Estatutos da propia Federación Galega", insiste Gómez-Reino.

Antón Gómez-Reino | Foto: EP

Unidas Podemos considera que o expresidente da Deputación de Pontevedra Rafael Louzán debe ser apartado "inmediatamente" do seu cargo como máximo dirigiente de a Real Federación Galega de Fútbol (RFGF) despois do fallo xudicial que ratifica a súa condena a sete anos de inhabilitación por un delito de prevaricación.

Nun comunicado, o deputado de Galicia en Común no Congreso e secretario xeral do partido morado galego, Antón Gómez-Reino, cualifica de "inaceptable" que Louzán continúe á fronte da federación, cuxos estatutos impiden que persoas inhabilitadas ocupen cargos directivos.

SETE ANOS DE INHABILITACIÓN

A sentenza que condena a sete anos de inhabilitación para cargo ou emprego público ao exbarón provincial do Partido Popular aínda non é firme e contra ela cabe recurso de casación. A Audiencia Provincial admitiu en parte o recurso contra o fallo en primeira instancia presentado por Louzán, ao que exculpa do delito de fraude.

"A Audiencia vén ratificar e a poñer sobre a mesa unha vez máis a corrupción do Partido Popular de Feijóo", incidiu Gómez-Reino, denunciado por Louzán nos xulgados despois de que o relacionase cos casos de corrupción da formación popular durante o debate entre candidatos das eleccións autonómicas de 2020.

"Se Louzán está inhabilitado para exercer cargos públicos non pode formar parte dos órganos de goberno, así o recolle os Estatutos da propia Federación Galega", incidiu o parlamentario, que lamentou o "beneplático" e o "silencio cómplice" da Administración autonómica co exmandatario provincial.