Excelentes noticias: ningunha área suma máis de 10 positivos covid e toda Galicia engade menos de 50

Os 48 novos positivos por PCR comunicados hoxe é a menor cifra desde o 6 de agosto de 2020. Por tanto, o mellor resultado en 13 meses e medio.

Certo que é un dato que provén dun día, o domingo, con poquísimas PCR, menos de 1.900. Con todo, a porcentaxe de positivos segue sendo moi bo, pouco máis do 2%.

Os casos activos continúan á baixa e caen por baixo dos 2.000 por vez primeira desde o 1 de xullo.

A incidencia acumulada semanal cae de 21 a 20. É o segundo día consecutivo que se reduce só nun punto. Con todo, hai que ter en cuena que o seu valor absoluto xa  é relativamente baixo, polo que calquera descenso é unha gran noticia. Galicia segue en risco baixo e aproximándose aos 10 positivos por cada 100.000 habitantes, que é o que nos permitiría alcanzar a nova normalidade. De manterse este ritmo conquistariámola a principios de outubro, aínda que é difícil que antes non hai algún repunte. Hai que ter en conta que xamais logramos poñer a incidencia acumulada semanal en valores propios da nova normalidade. 

A incidencia acumulada a 14 días descende catro puntos, de  55 a 51. Seguimos en risco medio, segundo os criterios do semáforo de alertas oficial. Necesitamos baixar a 50 para entrar en risco baixo. A este ritmo deberiámolo conseguir mañá.

O dobre da incidencia semanal (40) é menor que a incidencia bisemanal (51). En concreto a razón de taxas resultante é de 0,79; o que significa que na última semana houbo un 21% pmenos de positivos que na anterior.

Un 21% menos é un descenso excelente, máis cando levamos dous meses de melloría e a curva debería achandarse. Con todo, o matiz negativo é que esta melloría está a perder fol. A semana pasada chegou a ser do -30% semanal e agora está a se desinflar, aínda que sexa aos poucos, onte estabamos nunha razón de taxas do 0,77.

A taxa de positividade onte foi do 2,32%, o que é un gran resultado teniendo en cuenta que o SERGAS só completou 1.862 PCR. Desde o 6 de agosto de 2020 non facía tan poucas. A pesar de que o volume de probas esborrállase (algo lóxico visto que os contagios e os seus contactos próximos redúcense) a media móbil semanal da taxa de positividada segue á baixa. Hoxe descende do 3% ao 2,95%, valor que nos situá en nova normalidade nesta escala do semáforo.

EVOLUCIÓN DOS CASOS ACTIVOS

O total de infectados descende hoxe un -7% .A media semanal, o indicador máis relevante,  segue en valores excelentes e de feito hoxe dá un pasito máis afastándose de cero, pasa de -7% a -7,1%.

En termos absolutos, as porcentaxes de hoxe equivalen a un descenso  -5 9,que deixa o total en Galicia en 1.926 casos activos. 

CONCLUSIÓNS

Con todas estas estatísticas sobre a mesa, podemos inferir que:

• A pandemia segue perdendo terreo. A melloría non é tan veloz como o foi a principios de setembro, aínda que segue sendo moi relevante. Descensos semanale do 7% da curva de a derivada de casos activos e do 21% da incidencia semanal son excelentes.
• Canto menos infectados, máis difícil é conseguir taxas importantes de caída de casos activos. Canto menos diagnósticos, máis difícil é conseguir taxas importantes de redución de positivos. O feito que se manteña a melloría tanto tempo só explícase polo impacto das vacinas, pois as restricións están a se aliviar.
• Ata cando durará esta melloría? Esa é a gran pregunta que ninguén pode responder. Sabemos que as vacinas non protexen ao 100% contra a transmisión, nin sequera contra a morte en persoas moi vulnerables. Tendo isto en conta, hai que asumir que tarde ou cedo se producirá un repunte. 

DATOS POR ÁREAS

Vigo suma 9 diagnósticos e a pesar de ser tan poucos é o distrito que máis positivos rexistra. É a primeira vez que ningunha área galega chega aos 10 positivos, polo menos desde que Galiciapress leva rexistros, desde agosto de 2020.

Ferrol é o primeiro distrito que logra nesta onda quedar sen ningún enfermo en UCI, aínda que sexa debido, polo menos en parte, á morte dunha persoa onte alí. En Pontevedra e Santiago só queda unha persoa en UCI. En toda Galicia hai menos de 100 hospitalizados. Máis datos a nivel municipal e de distrito do SERGAS nuns minutos en Galiciapress.