Recibirá Inditex fondos Next Generation? O comisario Medio Ambiente da UE visita Arteixo

A empresa de Amancio Ortega aspira a varios proxectos. O principal é unha fábrica que transformará eucaliptos en fibras vexetais para tecidos. Tamén quere instalar aeroxeradores no Porto Exterior da Coruña. 

A Unión Europea esixe que os proxectos subvencionados sexan sostibles. Está por ver como avalía utilizar o eucalipto galego para facer tecidos para fábricas noutros lugares, pois Inditex case non ten talleres propios en Galicia.

Sinkevičius con Isla na sede de Inditex 

O comisario de Medio Ambiente, Océanos e Pesca da Unión Europea, Virginijus Sinkevičius

 , achegouse ás instalacións de Inditex en Arteixo (A Coruña) con motivo da súa visita a Galicia este mesmo luns.

O presidente de Inditex, Pablo Isla, acompañou a Sinkevicius durante a súa visita, con quen compartiço os elementos máis destacados da política de sustentabilidade do grupo, con especial fincapé nos conceptos de circularidade e innovación.

Na visita tamén estiveron presentes o vicepresidente segundo da Xunta de Galicia, Francisco Conde, e o secretario de Estado para o Medio Ambiente, Hugo Morán Fernández, ademais doutros representantes da Comisión Europea, do Goberno galego e europarlamentarios.

A comitiva visitou diferentes seccións, desde deseño a tendas piloto, onde o comisario mostrouse moi interesado por coñecer todos os aspectos vinculados á sustentabilidade e a súa integración en cada unha das diferentes etapas da cadea de creación dunha peza, desde a selección do tecido ata a súa confección e acabado.

Os visitantes puideron coñecer todas as prácticas que Inditex está a aplicar como axente transformador da industria da man de diferentes equipos, entre outros.