​Bolivia, presente! Jaume Cuéllar ábrese paso no Lugo a chispazos

Da Masía deu o salto a Italia e converteuse no primeiro boliviano en debutar na Serie A, pero a falta de oportunidades no calcio tróuxoo a Lugo, onde buscar facerse oco.


|

O hispano-boliviano estreouse como goleador a pasada fin de semana dándolle a vitoria aos albivermellos.


Cuellar

Cuéllar, no seu primeiro gol co CD Lugo | Foto: CD Lugo


Apenas 16 minutos repartidos en dous partidos bastaron para que o internacional boliviano JaumeCuéllar deixe pegada no Anxo Carro. O hispano-boliviano só fixo presenza en dúas das cinco xornadas que levamos disputadas, pero non necesitou máis. A pasada xornada a súa tanto lle valeu ao CD Lugo para levar os tres puntos ante a SD Huesca.


Cuéllar, nacido en Granollers, chegou este ano á entidade lucense procedente do SPAL italiano, cun paso previo polas inferiores do FC Barcelona. Da Masía deu o salto a Italia e converteuse no primeiro boliviano en debutar na Serie A, pero a falta de oportunidades no calcio tróuxoo a Lugo, onde buscar facerse oco. Con todo, nun equipo con Mayoral, Valentín, Señé ou Hugo Rama, Cuéllar necesitará afinar aínda máis o tiro para gañarse os minutos.


Por iso, o seu gol ante os aragoneses faille gañar enteiros na próxima aliñación de Rubén Albés. De momento, o Lugo demostrou ser un equipo rochoso, especialmente no apartado defensivo, pero necesita máis acerto para gol. Iso, e verticalidade, pódeo dar o futbolista andino, que o pasado xuño estreouse cos altiplanicos. Se se gaña un posto no Lugo, as oportunidades con 'A verde' caerán por si soas. Paso a paso.


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE