Galicia baixa dos 100 positivos diarios por vez primeira en case tres meses e a melloría acelera aínda máis

Os 89 novos positivos por PCR comunicados hoxe implican que Galicia baixa dos 100 diagnósticos diarios por vez primeira desde o 22 de xuño. Aínda que os datos proveñen dun sábado, día con poucas PCRs, serven para que baixen todos os indicadores, tamén a proporción de probas que dá positivo.

Os casos activos continúan á baixa. De feito, nunca caeran tan rápido en toda a pandemia, polo menos desde que hai datos robustos, tras a primeira onda.

A incidencia acumulada semanal cae a 34 desde 37. É o mellor valor desde o 27 de xuño.

A incidencia acumulada a 14 días descende máis de sete puntos nun día e baixa a 96 positivos por cada 100.000 galegos. Hai que remontarse ao 5 de xullo para atopar outro valor por baixo de 100.

O dobre da incidencia semanal (68 ) é moi inferior a a incidencia bisemanal (96). En concreto un 29% menos, dado que a razón de taxas é de 0,71. Galicia iguala así a máxima velocidade de baixada semanal de positivos desta quinta onda e ademais é unha das velocidades de caída máis rápidas de toda a pandemia de covid-19.

A taxa de positividade onte foi do 3,03, no oitavo día seguido que queda por baixo do 5%, o límite que estima a OMS para indicar que un foco está en vías de control.

SITUACIÓN DOS INDICADORES NO SEMÁFORO DE ALERTAS

Esta boa porcentaxe serve para afundir o indicador máis relevante, a media móbil semanal da taxa de posividiad, que cae a 4,05. Segundo os criterios do semáforo semanal de alertas oficial, a taxa de positividade de Galicia está a un pasito no mellor dos niveis posibles. Seguimos en risco baixo, pero estamos a un pasito da nuevan normalidade, pois lle corresponde nova normalidade ás autonomías cunha media semanal inferior ao 4%.

A incidencia semanal (34) aínda segue en risco medio pero achégase aos 25 que nos permitirían conquistar o risco baixo. A súa irmá maior, a incidencia bisemanal, logra deixar o risco alto ao baixar de 100 e tamén se sitúa en risco medio.

EVOLUCIÓN DOS CASOS ACTIVOS

O total de infectados descende hoxe un  -7,67%.A media semanal, o indicador máis relevante, segue polo bo camiño e ponse nun excelente -7,1%. Xamais baixara tan rápido o total de infectados.

En termos absolutos, as porcentaxes de hoxe equivalen a un descenso  -288,que deixa o total en Galicia en  3.466 casos activos. 

CONCLUSIÓNS

Con todas estas estatísticas sobre a mesa, podemos inferir que:

• A pandemia segue retrocedendo a un ritmo elevadísimo. A velocidade de caída dos indicadores de contagios e de casos activos está en niveis de récord ou moi preto deles. Ademais, a velocidade tende a acelerar, aínda que quizais non tanto como a semana pasada.
• Esta aceleración da melloría prodúcese cando, de acordo á evolución de etapas  pasadas, os índices deberían empezar a perder forza, a aplanarse. Dous meses e medio despois do pico seguimos acelerando, algo que se puiden atribuír, polo menos en gran medida, ao avance na vacinación.
• Aínda que os hospitalizados en planta levan dous días á alza, +6 hoxe, isto non debería ser alarmante, pois se miramos con perspectiva semanal, como debemos facer con todos os indicadores, vemos un descenso de -37. A melloría empeza por fin a trasladarse á curva de falecementos. Galicia non comunicou onte ningunha morte, algo que non pasaba desde o 20 de xullo.

DATOS POR ÁREAS

A Coruña, 21, non é o distrito que máis positivos comunica hoxe, a pesar de ser o máis poboado. Esa dubidosa honra correspóndelle a Lugo, con 27.  Ourense, Pontevedra e Ferrol quedan por baixo de 10. 

Máis datos a nivel municipal e de distrito do SERGAS nuns minutos en Galiciapress.