Os bancos soben comisións e recortan servizos case igual e á vez, denuncia a CIG ante Competencia
CIG-Banca presentou denuncia ante a Comisión Nacional dos Mercados e da Competencia (CNMC) para que investigue se as restricións do servizo de caixa por parte das entidades financeiras "responde a un pacto entre elas".
A avalancha de ES en sector bancario vén acompañada pola restrición de horarios das sucursais para realizar certas operacións
A CIG entende que os traballadores non poden seguir sendo "cómplices" destas prácticas que fan a vida máis difícil sobre todo ás persoas maiores polo que leva o suposto abuso antre a Comisión Nacional dos Mercados e a Competencia
Unha pasada protesta de traballadores contra o ERE en BBVA
CIG-Banca presentou denuncia ante a Comisión Nacional dos Mercados e da Competencia (CNMC) para que investigue se as restricións do servizo de caixa por parte das entidades financeiras "responde a un pacto entre elas".
LIMITACIÓNS IGUAIS CASE Á vez
Segundo advirte a central nacionalista, estas restricións foron postas en marcha "practicamente ao unísono e cos mesmos horarios", de 8,00 a 11,00 horas.
A denuncia afecta a bancos asociados á Asociación Española de Banca e á CECA (Confederación Española de Caixas de Aforros). Banco Santander, BBVA, Banco de Sabadell, Bankinter, a marca galega Abanca ou ING son algúns das súas socios.
"Entendemos que era unha obrigación social e laboral pero tamén legal, xa que tendo os representantes da traballadores comunicación desas restricións, calar converteunos en cómplices", subliña a CIG.
Ademais, ve "moi claro" que, "como outras empresas", estas "utilizaron a pandemia para forzar cambios nos hábitos da clientela".
As COMISIÓNS TAMÉN SOBEN CASE Á vez
Neste sentido, chama a atención sobre que as políticas comerciais dos distintos bancos "son idénticas" e refírese ás cláusulas en contratos "tombadas pola xustiza", ás subidas de comisións que se producen "case simultaneamente" e engade que "o mesmo sucede agora" coas actuais restricións dun servizo "básico" asociado ao contrato das contas.
Estas restricións, para a CIG, "son dobremente antisociais" pois, por unha banda restrinxen os servizos ás persoas que teñen dificultades para usar os caixeiros automáticos ou a banca electrónica e, por outra, "están a ser utilizadas para tratar de xustificar os despedimentos colectivos".
"Non estamos ante unha baixada da demanda (...) Os bancos restrinxiron sospechosamente ese servizo ao mesmo tempo e co mesmo horario", reitera.
Escribe o teu comentario