Galicia pode chegar a nova normalidade en xuño tras entrar hoxe en risco baixo de positivos a 14 días

|

Os 68 novos positivos confirmados hoxe por PCR confirman a tendencia claramente de descenso da pandemia en Galicia. Ademais, contribúen a que a incidencia a 14 días baixe de 50. 


Isto implica que por vez primeira en toda a pandemia o país ten os dous índices que positivos -o semanal e o bisemanal- en risco baixo.


A conquista deste fito chega horas antes de que o presidente da Xunta compareza para explicar as novas restricións. Á vista dos datos, o esperable é que haxa máis alivio de limitacións que pesan sobre a hostalería ou o tamaño e horario das reunións de non conviventes.





 Así, a incidencia acumulada semanal cae outro pouco máis, de 22 a 21,6 . Este indicador só ha subido un día do últimos quince, aínda que o seu descenso esta semana está a ser menos rápido que na anterior.


Abrindo o foco a dúas semanas, a incidencia acumulada a 14 días pasa de 51,1 a 49,5. É o mellor rexistro desde mediados de agosto.


Ademais, como o dobre da incidencia semanal (43,2) é bastante menor que a incidencia bisemanal (49,5), sabemos que a última semana foi aínda mellor que a penúltima.


taxa de positividade de onte foi moi baixa. Deron positivo o 1,38% das probas, o que axuda a limar a media semanal que pasa de 2,02% a 2,01%.


SITUACIÓN DOS INDICADORES NO SEMÁFORO DE ALERTAS

Segundo os criterios do semáforo de alertas oficial, a media semanal da taxa de positividade está no mellor nivel posible, nova normalidade, desde mediados de febreiro. Sería moi sorprendente -e moi mala noticia- que Galicia perdese esta condición, vista a estabilidade deste índice.


O país alcanzou o nivel de risco baixo na súa incidencia semanal a semana pasada. Desde entón, o indicador prosegue o seu descenso, aínda que é certo que a un ritmo algo inferior. A próxima meta a conquistar son os 10 positivos por 100.000 galegos á semana. De manter o ritmo que levamos este mes, Galicia conseguirao case seguro antes de xullo.




As incidencia bisemanal estrea hoxe por vez primeira risco baixo. O lixeiro repunte de onte queda por agora nun susto case anecdótico. A tendencia xeral do indicador é claramente á baixa, aínda que o seu descenso tamén perdeu velocidade esta semana. En todo caso, de manterse o ritmo de caída de xuño, Galicia tamén ten opcións de afundir máis este indicador e alcanzar a nova normalidade neste mes.



EVOLUCIÓN DOS CASOS ACTIVOS

O total de infectados descende hoxe un -2,9 %, o que contribúe a que o indicador máis significativo, a media móbil a sete días, afástese un pouco máis de cero, pasando de -3,4% a -3,6%. 


Se este indicador, a derivada dos casos activos, está en valores negativos significa que cada vez hai menos casos activos. Cando máis lonxe de cero sitúese, máis rápido está a ser o descenso dos casos activos. A curva da media semanal infórmanos, por tanto, que o descenso por agora non está a perder velocidade, aínda que é certo que esta semana a freada non está a ser cada vez máis intensa, como sucedeu a semana pasada.s



En termos absolutos, isto significa un descenso de 50 que deixa o total de casos activos en Galicia en 1.679 casos activos. 


CONCLUSIÓNS

Con todas estas estatísticas sobre a mesa, podemos inferir que:

  • A pandemia está nunha fase de claro descenso, aínda que a un ritmo inferior que a rápida retirada da semana anterior.
  • Non hai ningún indicio de repunte. Conquistado o risco baixo para as dúas incidencias e ante o avance de vacinación, é realista pensar que Galicia pode conquistar a nova normalidade coa chegada do verán.
  • As vacinas seguen demostrando ser moi eficaces para previr falecementos, aínda que poidan contaxiarse -e transmitir a enfermidade- algunha persoa vacinada, como parece que sucedeu na residencia de Sarria. A taxa de letalidade mensual rozou o 3,8% ao fío da tráxica terceira onda. Agora leva máis dun mes movéndose en torno ao 1%.


DATOS POR ÁREAS

Vigo volve ser, como case todos os días, a área con máis positivos, 19 de 68 de Galicia. Con todo, non é unha cifra esaxerada comparado o peso poboación deste distrito sanitario, o máis poboado do país. Santiago bate a súa mellor marca do ano, con só 4 diagnósticos onte.



O número de pacientes en UCI seguen sendo 15, pero a área que máis presión hospitalaria soporta, Vigo, só ten enfermos 4 enfermos críticos.  Máis datos a nivel municipal e de área sanitaria nuns minutos en Galiciapress.


COp2n  b incidencia acumulada a 14 d as en galicia b  (2)



Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress