A vacina do Porriño (Novavax) pode estar 100% lista en abril e usa unha árbore medicinal mapuche


|

Novavax, a farmacéutica de Estados Unidos que prepara unha das novas vacúas contra o COVID, detallou onte os seus avances nunha conferencia na Academia das Ciencias de Nova York. Na presentación, o presidente Gregory M. Glenn confirmou que a vacina usa como potenciador un extracto de Quillaja saponaria, a árbore quillay, xa utilizado pola medicina tradicional mapuche.


En concreto, Novavax utiliza o quillay como adyuvante,  que aumenta a resposta do noso corpo ao antígeno.


"A punto" NO Porriño

O antígeno é, precisamente, o que se fabricará na fábrica de Biofabri, do grupo galego Zendal, no Porriño (Pontevedra). Segundo indicaron fontes oficiais da farmacéutica galega a Galiciapress "empezamos o proceso, pero non a fabricación do antígeno" aínda que"estamos a punto" e é "cuestión de semanas". 


En todo caso, Zendal confirma que empezarán a producir "a risco", é dicir, antes de que Novavax obteña, no seu caso, a autorización das administracións para chegar ao mercado. Pola contra, dado o "complexo e longo" do proceso, a vacina tardaría demasiado.


Cantas doses da vacina produciranse en Galicia? Esta é unha pregunta mal formulada, pois Zendal fará só unha parte da vacina - aínda que quizais a máis importante, o antígeno- e só para Europa. 


UNHA VACINA VERDADEIRAMENTE GLOBAL

Segundo o mapa publicado onte por Novavax, o adyuvante producirase en plantas de Dinamarca (AGC Biologics), Suecia (PolyPeptide Group) e fábricas desas mesmas compañías en Estados Unidos. O envasado dos viais realizarase en Baxter (Alemaña), Siegfried (Alemaña) e  Par Pharma (Estados Unidos). 


Todo un exemplo de colaboración internacional que muestr porque calquera medida excesivamente nacionalista por un Goberno pode poñer en risco toda a complejísima cadea de subministración que permite crear as vacinas. 


Novavax negociou coa Unión Europea 200 millóns de doses, segundo as conversacións iniciais pechadas con acordo en decembro. A compañía asegura que será capaz de producir  ata 2.000 millóns de doses ao ano.


SEMANAS E DESPOIS UN PAR DE MESES DE PRAZO

A gran pregunta é cando estará lista laesta vacúa. Novavax asegurou a finais de xaneiro que espera concluír as probas "nas próximas semanas". Despois, o proceso de solicitude de autorización ás autoridades regulatorias pode levar "un par de meses", o que nos sitúa no mes de abril deste ano. 


A presentación de onte en Nova York non incluíu ningunha novidade sobre ese calendario, anunciado cando se presentaron os resultados preliminares dos test. 


EFICAZ CONTRA A CEPA BRITÁNICA E VÁLIDA CONTRA A SURAFRICANA

Resultados que son moi esperanzadores, sobre todo porque é unha das primeiras vacinas das que hai datos sólidos de que é eficaz contra a cepa británica. Hai que lembrar que a Xunta estima que a cepa británica será a dominante ten Galicia en cuestión dun ou dous meses.


Gregory M. Glenn detallou que as probas no Reino Unido mostran unha eficacia total do 89%, que se eleva ata o 95% para as variantes 'tradicionais' do virus e cae un pouco, pero só ata o 85% para a variante 501E.V1, a cepa británica.  No que se refire á cepa de Sudáfrica, a vacina NVX-CoV2373 demostrou unha eficacia de o  60%, que é unha porcentaxe similar ao que ofrecen, por exemplo, as vacinas contra a gripe. 


Son, con todo, cifras procedentes da penas unhas ducias de casos. Novavax aínda debe completar estes test en Reino Unido e Sudáfrica, ademais doutros que poñerá en marcha en Estados Unidos, Xapón e India.


USO ANCESTRAL

De confirmarse os resultados, cualificados como "espectaculares" por Novavax e que fixeron despegar as súas accións un 60%,  completouse un circuíto de séculos que demostra a importancia de conservar as culturas tradicionais. 


O quillay "é usado polos mapuches polas súas propiedades medicinais desde tempos ancestrais, tanto a nivel doméstico -para lavarse o pelo ou facer xabóns- como medicinal, polos machis (chamanes) e lawentuchefes (sanadores)", declarou á BBC unha líder mapuche


Mapuche medicine women treating a patient

Machis tratando a un paciente nunha foto da wikimedia / Internet Arquive Book Images @ Flickr Commons


“A cortiza do Quillay é rica en saponina, que é un composto químico jabonoso particular desta especie. Por isto o Quillay ten múltiples usos, por exemplo, como champú, xabón, deterxente, para produtos cosméticos, como insecticida, ou como planta medicinal, contra a bronquite ou afeccións da pel”, comentou o profesor Nicolás García, académico da Facultade de Ciencias Forestais e de Conservación da Natureza da Universidade de Chile.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE