Outro brote nunha residencia: Máis de 20 positivos en Domus vin Ribadumia, expedientada no seu día por falta de enfermeiras
Hai 26 persoas positivo de coronavirus na residencia Domus Vin de Ribadumia (Pontevedra) Así o informa Rede, o colectivo que aínda a familiares e a traballadores de residencias.Consultadas por Galiciapress a empresa e a Xunta, ningunha das dúas fontes confirma ou desmenten a noticia.
Hai 26 persoas positivas de coronavirus na residencia Domus Vin de Ribadumia (Pontevedra), 23 diagnosticadas hoxe. Así o informa Rede, o colectivo que aínda a familiares e a traballadores de residencias.
Consultadas por Galiciapress a empresa e a Xunta, ningunha das dúas fontes confirma ou desmenten a noticia. DomusVi indicou inicialmente que se está facendo un cribado cuxos resultados definitivos aínda non tiña completos.
Moi pouco despois comunicou DomusVi que había "20 residentes positivos" e 5 traballadores diagnosticados. Como xa se sabía que había dous operarios positivos, as cifras de DomusVi confirman as adiantadas por Rede.
O venres saltaron varios positivos entre traballadores do xeriátrico. A Xunta confirmou o luns que dous operarios deran positivo. Varios medios locais informaron a continuación dun cribado na residencia. Cribado que pode ser a fonte dos 23 novos contagios que acaba de desvelar Rede.
DomusVi Ribadumia non tivo ningún contaxio na primeira onda do coronavirus. Iso a pesar de que a Xunta abriulle expediente sancionador meses antes da pandemia por falta de enfermeiras.
Posteriormente, cuestionada por Galiciapress, la Xunta confirmou que ese expediente había concluído e que non informaba do seu resultado porque DomusVi aínda podía recorrelo, do que se puiden deducir que algunha sanción si se impúxolle. En 2019, Política Social recibiu unha denuncia sobre a falta de efectivos en Domus Vin Ribadumia:
"É unha puta verguenza, estamos vendidas" din as traballadoras segundo un comunicado de Rede. O colectivo asegura que a residencia, cunhas 160 prazas, non ten médico e acusa á empresa dunha "conduta criminal". No Rexistro Único de Entidades Prestadoras de Servizos Sociais da Xunta indícase que DomusVi Ribadamia debe contar con médico, aínda que a tempo parcial, o 40% dunha xornada normal.
A empresa asegura que agora hai 138 residentes. A compañía engade que todos os positivos están asintomáticos por agora. "As probas fixéronse a todos os residentes e traballadores" din portavoces oficiais, que aputnan a que aínda quedan 10 residentes cuxas resultados están sen confirmar. É dicir, o número de positivos podería aínda aumentar.
DomusVi Ribadumia nunha imaxe de Google Street View
Rede asegura que o persoal traballa "sen EPIs, sen control da hixiene e seguridade, sen persoal suficiente, sen uniformes, sen reunións do comité de seguridade e saúde por desplantes e desidia da empresa".
SEN RESULTADOS DO CRIBADO DE HAI 8 DÍAS
Desde este colectivo denúnciase que o luns 19 fíxose outro cribado a traballadores e algunhas usuarios, aleatoriamente. Oito días despois aínda descoñecen os positivos do anterior cribado mediante tests de saliva. Por iso conclúen que eses cribados cada 15 días dos que presume a Xunta non son eficaces.
Escribe o teu comentario