Viviremos un nadal con restricións, admite o conselleiro de Sanidade
Comesaña descarta por agora confinamentos perimetrais como os de Carballino e Ourense. Asegura que estas medidas están a funcionar. Con todo non é optimista sobre a evolución da pandemia.
Comesaña descarta por agora confinamentos perimetrais como os de Carballino e Ourense. Asegura que estas medidas están a funcionar. Con todo non é optimista sobre a evolución da pandemia.
P
García Comesaña avisa que "a perspectiva non é boa" para vivir unhas festas do Nadal sen restricións
A Consellería de Sanidade descarta polo momento prohibir para toda Galicia as reunións de persoas que non convivan baixo o mesmo teito, medida activa en Ourense, Barbadás, O Barco, Verín e na comarca do Carballiño.
Díxoo o propio titular do departamento de Sanidade do Goberno galego, Julio García Comesaña, nunha entrevista concedida este domingo na Cadea Ser, onde defendeu as medidas adoptadas polo comité clínico para conter a pandemia que, segundo comentou, terá impacto na forma na que os galegos vivirán o próximo nadal.
"O illamento perimetral serve para manter os parámetros cando a tendencia é de crecemento. Si que estamos a ver o resultado, aínda que de momento non sexa para lanzar as campás ao voo", comentou o conselleiro sobre a situación en Ourense e no Carballiño, municipios desde facía días pechados perimetralmente, unha medida que "aínda non" está sobre a mesa estender a toda a Comunidade galega.
García Comesaña mostrouse pesimista acerca de como serán o nadal deste ano que, aínda que ve precipitado dar un diagnóstico desde a perspectiva epidemiolóxica, cre que se celebrarán con reunións pequenas, pois o contacto social continúa no foco como o "principal problema" á hora de transmitir o virus.
"O principal problema témolo na contorna de confianza", sinalou o conselleiro, que remarcou que é nos momentos de lecer cando os cidadáns "reláxanse" das medidas, o que leva a que se produzan contagios.
Así mesmo, negou que as declaracións públicas de resposnables políticos que sinalaron á poboación nova como causantes do aumento de caso pola súa falta de compromiso coas normas pautadas leve a unha estigmatización ou criminalización deste segmento da poblaicón.
Deste xeito, defendeu que as declaracións e as medidas adoptadas, como o cribado en residencias e universidades, están asentadas en "datos". "Viamos que nese perfil de mozos hai un problema e por iso decidimos os cribados nese colectivo, como os fixemos noutros", incidiu García Comesaña.
ATENCIÓN PRIMARIA
Por outra banda, o conselleiro sinalou que a razón do descenso no número de casos que requiren hospitalización nesta segunda onda da pandemia radica en que a atención primaria ha asumido "o centro de gravidade" da situación.
Deste xeito, apuntou que a porcentaxe de pacientes en UCI é agora do 0,4% cando durante a primeira onda situouse no 5%, do mesmo xeito que o número de hospitalizados era do 10% e agora rolda o 5%.
Ante as denuncias dos profesioanles de atención primaria polo incremento da carga de traballo, García Comesaña lembrou que existe un plan de "reforzo" acordado en 2019 e que continúa o seu proceso de desenvolvemento e aplicación.
O obxectivo, segundo remarcou, é facer que determinados perfís profesionais de atención primaria "asuman outras tarefas" que ata o de agora non desempeñan para que os médicos "céntrense especificamente" nos seus labores clínicos.
Escribe o teu comentario