Boa evolución do brote de coronavirus de Castro de Rei (Lugo) sen positivos desde hai varios días
O brote rexistrado no municipio de Castro de Rei (Lugo), vinculado a un xornaleiro, mantense con seis casos positivos despois de realizar o Sergas PCR a todo o persoal da empresa para a que traballa o caso inicial.
O SERGAS di que realizou centos de probas entre todos os temporeiros que acudiron a recoller amorodo. Afortunadamente, non hai máis contaxiados, aínda que 50 seguen confinados nun edificio por precaución.
Centro de Saúde en Castro de Rei nunha imaxe de Google Street View
O brote rexistrado no municipio de Castro de Rei (Lugo), vinculado a un xornaleiro, mantense con seis casos positivos despois de realizar o Sergas PCR a todo o persoal da empresa para a que traballa o caso inicial.
CASE 150 TEST NUN DÍA
Así o confirmaron fontes da área sanitaria de Lugo, que indicaron este venres que o xoves levaron a cabo 145 PCR e completouse "a totalidade do persoal".As mesmas fontes puntualizaron que no marco deste brote na área sanitaria de Lugo realizáronse 315 PCR tras sumar as 145 levadas a cabo este xoves.
Por tanto, este brote de Castro de Rei segue con seis casos positivos e medio centenar de persoas en corentena, por ser contactos máis estreitos dos positivos.
Escribe o teu comentario