O Camiño de Santiago marca un novo récord en 2018

|

O Camiño de Santiago marcou este 2018 un novo récord histórico, superando a cifra de 327.000 peregrinos, por encima dos rexistros de anos anteriores e mesmo do último Ano Santo, 2010, cando chegaron a Compostela 272.135 peregrinos.

Así o evidencian os datos recolleitos pola Oficina do Peregrino e que, a falta do recompilatorio anual con todos os que alcanzaron Santiago ao longo do ano, indica que no mes de decembro chegaron á cidade 2.553 peregrinos.


Peregrinos no Camiño de Santiago
Algún máis, 7.651, fíxoo en novembro, marcando estes dous últimos meses do ano como tempada baixa para a ruta xacobea. De feito, remontándose cara atrás, en outubro foron máis de 35.000 os peregrinos que percorreron algunha das rutas a Santiago.

No caso de setembro a cifra superou os 47.000, mentres que en agosto, o mes con máis peregrinos, chegaron a Compostela 60.415, o que supón unha media de case 2.000 peregrinos ao día. Algo máis de 50.800 foron os rexistrados en xullo, mentres que en xuño foron 45.685 e en maio a oficina do peregrino expediu 40.665 'compostelas'.

Nos primeiros meses de 2018 chegaron a Santiago 22.068 peregrinos en abril, 11.056 en marzo, 2.181 en febreiro e 1.628 peregrinos en xaneiro.

A pé
En canto á modalidade, a maior parte dos peregrinos continúan chegando a pé. De feito, esta foi a modalidade elixida por algo máis de 306.000 dos peregrinos que fixeron en 2018 o Camiño (o 93,5%).

Así, as cifras de 2018 marcan un novo fito histórico para a ruta, na que triunfa o Camiño Francés, que rexistra un índice por encima do dato do ano pasado, cando se superaron os 301.000 peregrinos, e dos do último Ano Santo.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress