Hai investidores para a factoría eléctrica de Isowat na Coruña
O delegado do Goberno en Galicia, Javier Losada, avanzou que "parece ser que xa hai investidores" para a factoría eléctrica de Isowat Made na Coruña, pendente do peche previsto para final de ano.
A preguntas dos xornalistas nun acto na Coruña, e antes de manter unha reunión este luns co comité de empresa da factoría, Losada indicou que "se deron pasos" para conseguir manter a actividade industrial deste proxecto.
Precisamente, o delegado do Goberno quería trasladarlle aos empregados que "parece ser xa hai investidores que teñen capacidade de coller esta empresa".
Por iso, mantivo unha reunión co obxectivo de "poñer en común as súas informacións, as nosas e ver cales son os seguintes pasos que deberían seguir eles e o administrador concursal".
Á espera de lograr a venda, nos últimos días levou a cabo a integración das dúas filiais, a administración e a responsable da enxeñería e mecánica, que responde a unha decisión da administración concursal para facilitar a venda do centro de traballo da Coruña.
Escribe o teu comentario