Castelao e a súa Alba de Gloria en realidade virtual

Mediante realidade virtual se recrea o máis famoso dos discursos do político galeguista, Alba de Gloria, declamado en Buenos Aires durante a posguerra.


A exposición, do Consello da Cultura Galega, profunda nun texto "descoñecido", que cumpre 70 anos, con ferramentas innovadoras


|

Mediante realidade virtual recréase o máis famoso dos discursos do político galeguista, Alba de Gloria, declamado en Buenos Aires durante a posguerra


A exposición, do Consello da Cultura Galega, profunda nun texto "descoñecido", que cumpre 70 anos, con ferramentas innovadoras


O histórico discurso 'Alba de Gloria' de Castelao, o último que o ilustre galeguista pronunciou en vida e que este ano cumpre o seu 70 aniversario, protagoniza a última exposición do Consello da Cultura Galega, que realiza unha aproximación "única" e "emocional" ao texto empregando novas ferramentas, entre elas unha "reconstrución" con realidade virtual.



Exposición Alba de Gloria de Castelao

Foi o 25 de xullo de 1948, Día de Galicia, cando Castelao pronunciou en Buenos Aires o que sería o seu último discurso público, unha intervención multitudinaria na que recompilaba unha 'santa compaña' de personaxes ilustres da historia galega e lanzaba unha mensaxe de "esperanza e de futuro".


"A gran fortaleza do discurso é esa, a mensaxe de futuro", explica Manuel Gago, comisario da mostra e a persoa que capitaneou esta inmersión milimétrica no discurso e a figura do Castelao dos 40.


E isto é así porque cando Castelao pronuncia este discurso "sabe que probablemente non volverá a Galicia" e é consciente do débil da súa saúde, a pesar do que traslada aos oíntes unha mensaxe "de futuro" que emocionou ao seu auditorio. A intención desta exposición é trasladar a emoción ao presente.


Para iso, a mostra, que alberga a Igrexa de San Domingos de Bonaval --onde se sitúa o Panteón de Galegos Ilustres no que repousan os restos do artista-- arrinca dunha recapitulación do momento no que foi escrita o 'Alba de Gloria', marcada pola Guerra Civil, o exilio e a emigración.


Ademais, dedica un apartado a Buenos Aires como "epicentro da cultura galega da época", ás cartas de Castelao e ás súas fontes. "Non queriamos unha aproximación unicamente histórica, se non global, a todo o contexto", dixo Gago.


NOVAS TECNOLOXÍAS E INMERSIÓN

Un dos puntos que fan desta mostra algo "diferente" é a súa aposta polas novas tecnoloxías e os recursos máis aló das exposicións tradicionais. O obxectivo é que o visitante poida realizar unha "inmersión" no discurso e a súa época para alcanzar "novos públicos", unha aposta polo progreso que realizaba o propio Castelao.


Así, pode escoitarse a única gravación existente da voz de Castelao, unha recreación fonológica do discurso Alba de Gloria e discursos dos coetáneos, coñecer a 'santa compaña' de personaxes históricos do autor e profundar en elementos da cultura galega sinalados por Castelao.


Como conclusión, a mostra ofrece ao visitante a posibilidade de 'interactuar' directamente cunha reconstrución fiel do propio Castelao realizada a través da realidade aumentada e coa que poderá achegarse de forma definitiva a este "descoñecido" discurso que supón un dos elementos craves da cultura galega.


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE