A Fundación Naturgy e Cáritas colaborarán para formar a desempregados en técnicas de aforro no fogar
A Fundación Naturgy, Cáritas Diocesana de Santiago-Interparroquial A Coruña, a Asociación Nacional de Empresas de Rehabilitación e Reforma (Anerr) e a Fundación Ecoloxía e Desenvolvemento (Ecodes) subscribiron un convenio de colaboración para desenvolver un proxecto de formación para persoas en situación de desemprego en técnicas de aforro de enerxía no fogar e eficiencia enerxética.
O acto, que tivo lugar este mércores no Centro de Formación Violetas de Cáritas, na Coruña, contou coa asistencia da directora de Cáritas Interparroquial, Pilar Farjas; o delegado xeral de Naturgy en Galicia, Manuel Fernández Pellicer; a directora da área Cidades Sustentables de Ecodes, Cecilia Foronda e o presidente de Anerr, Fernando Prieto.
A acción formativa está destinada a desempregados, preferentemente con experiencia previa no sector da construción. O obxectivo do proxecto é xerar un novo perfil profesional para atender a fogares vulnerables.
Escribe o teu comentario