Restricións de tráfico na AP-9 ao seu paso por Santiago polas obras de ligazón co Gaiás

As obras de ligazón entre a AP-9 e a Cidade da Cultura provocarán afeccións ao tráfico ao paso da autoestrada por Santiago de Compostela desde este luns, día 10.

Segundo informou o Ministerio de Fomento, reduciranse de catro a dous os carrís na calzada en sentido Pontevedra entre os quilómetros 68,5 e 70,5; e de cinco a tres en sentido A Coruña entre os quilómetros 71,3 e 69,3.

As restricións comezarán o luns, 10 de setembro, ás 10,30 horas, e estenderanse ata o 19 de febreiro de 2019. Os traballos para realizar nestas fases consistirán na execución dos ramais de acceso e incorporación entre a AP-9 e a Complexo Cidade da Cultura e Santiago Centro, así como a implantación da nova sinalización.