O Concello da Coruña propón a condonación da débeda ante o consello de administración do porto
Tamén reclama a constitución dun consorcio público onde participen todas as administracións implicadas no futuro da fachada atlántica da cidade herculina
Punta Langosteira
O goberno local da Coruña propoñerá no consello de administración que a Autoridade Portuaria celebra este mércores a condonación da débeda do porto ligada á construción da dársena exterior.
Defende que outra opción que expón é a de conceder "axudas económicas equivalentes", así como "deixar sen efecto o protocolo asinado por Fomento, Xunta e Portos do Estado o pasado abril" en relación ao futuro dos peiraos coruñeses.
Tamén reclama a constitución dun consorcio público onde participen todas as administracións implicadas no futuro da fachada atlántica da cidade herculina.
Mentres, a Comisión Aberta en Defensa do Común concentrarase, a partir das 17,00 horas, ante a Autoridade Portuaria coincidindo co consello de administración.
Membros desta plataforma exhibirán unha pancarta reclamando "a defensa gratuíta dos espazos portuarios desafectados" como consecuencia do traslado de actividade a Punta Langosteira.
Escribe o teu comentario