Un reto solidario da Policía Nacional de Vigo busca recadar fondos contra a enfermidade Charcot Marie Tooth

A Charcot Marie Tooth é unha enfermidade rara que afecta a unhas 18.000 persoas en España. 

Un axente participou nun reto solidario para recadar fondos na loita contra esta doenza neuromuscular dexenerativa. 
 

A Delegación de Participación Cidadá da Comisaría de Policía Nacional de Vigo-Redondela apoiou a iniciativa dun axente que participou nun reto solidario para recadar fondos contra a enfermidade rara Charcot Marie Tooth, coñecida tamén como neuropatía motora e sensitiva hereditaria, unha doenza neuromuscular dexenerativa que afecta a preto de 18.000 persoas en España.

Así, o reto consistía en realizar o Camiño de Santiago desde Vigo á capital galega en 24 horas, camiñando e correndo. Máis de 100 quilómetros nun só día, para recadar fondos a favor da Asociación sen ánimo de lucro 'O motor dos teus pasos', que investiga dita enfermidade.

A iniciativa comezou ás cinco da madrugada, con saída desde a Guía, na cidade olívica, logrando chegar a Santiago no tempo que se propuxo, superando así o seu propio reto persoal.