Atasco quilométrico dirección Vigo: desprendemento de terra na VG-20

Un desprendemento de terra obrigou a cortar momentaneamente un carril no punto quilométrico 13, en sentido Pontevedra, da VG-20 en Vigo, o que causou retencións de até 4 quilómetros.

O incidente producíase á primeira hora da tarde, segundo informou a Dirección Xeral de Tráfico, e foi necesario cortar un carril, o que provocou retencións entre os puntos quilométricos 8 e 13 da vía, nas inmediacións do hospital Álvaro Cunqueiro, entre Beade e Valadares.

Fontes da DXT confirmaron que os servizos de mantemento da vía xa limparon a calzada e púidose reabrir o carril pecho, polo que ha circulación normalizouse.

Dáse a circunstancia de que, nese mesmo punto, unhas horas antes, rexistrouse un choque por alcance entre un camión e un turismo. O propio condutor do camión alertou ao 112 do accidente, e explicou que se produciu porque tivera que frear ao atopar restos dunha árbore na calzada.

O 112 Galicia alertou á Garda Civil de Tráfico e ao 061, e informou de que o condutor do coche resultara ferido.