Máis dunha decena de bebés afectados pola síndrome do home lobo a causa do crecepelo dos seus pais

A calvicie é un "problema" que afecta e preocupa a moitos homes e mulleres. Nos últimos anos multiplicouse o número de tratamentos e alternativas para combater a caída de cabelo ou, mesmo, "repoboar" as zonas afectadas. Esta perda de pelo puxo de moda algunhas lociones como o minoxidil, que se pode adquirir sen recta e que, aínda que non garante que poña freo á perda de pelo, o seu uso está moi estendido a nivel nacional. No entanto, estes fármacos poden provocar efectos secundarios sobre as persoas que os usan...e mesmo sobre terceiros. 

EFECTO SECUNDARIO EN LACTANTES

As informacións publicadas polo Centro de Farmacovigilancia de Navarra suxiren que hai casos de bebés lactantes que desenvolveron hipertricosis -coñecido como a síndrome do home lobo- e que relacionaron de maneira directa co uso de minoxidil.

Os infantes desenvolveron vello por todo o corpo pero, o máis preocupante, é que existe risco de que isto poida desencadear complicacións cardíacas e renais nos pequenos, ademais da tensión que pode provocar nos menores o ver sometido a probas médicas. As autoridades sanitarias descubriron que nalgúns casos os pais estaban a utilizar lociones con este composto e desencadearon estes episodios, que ao cortar o tratamento tamén se interromperon os síntomas do pequeno. O que non quedou confirmado polo momento é como se produce a transmisión: si polo contacto pel con pel ou por vía oral. 

O ocorrido en Navarra, cun caso confirmado, axudou a identificar outros casos en toda España, até un total de, polo menos, once dos que se teña constancia no Sistema Español de Farmacovigilancia e no seu homólogo europeo. Por isto, a Axencia Europea do Medicamento (EMA) ordenou incluír nos prospectos de minoxidil a relación entre estes casos co emprego da loción. 

As recomendacións son limpar ben as mans logo de aplicar as lociones e evitar o contacto cos lactantes nas partes nas que se usou esta solución hidroalcohólica. Non é, en calquera caso, a primeira vez que sucede algo así en España, xa que en 2019 déronse preto dunha vintena de casos similares por unha mal etiquetaxe nun fármaco que ía empaquetado como omeoprazol, empregado en fórmulas maxistrais contra o reflujo gástrico en lactantes, cando en realidade era un lote de minoxidil. Afortunadamente, e a pesar de verse expostos dunha maneira significativa, os afectados non desenvolveron complicacións graves.

QUE ES A SÍNDROME DO HOME LOBO?

A síndrome do home lobo, coñecido médicamente como hipertricosis, é unha enfermidade rara que provoca un crecemento excesivo e anormal de vello no corpo. Este crecemento pode aparecer en calquera parte excepto nas palmas das mans, as plantas dos pés e as mucosas. O nome popular provén da aparencia que pode lembrar á dun lobo debido á densidade do vello no rostro e outras áreas do corpo.

Hai varios tipos de hipertricosis: conxénita, presente desde o nacemento e causada por mutacións xenéticas que activan xenes relacionados co crecemento do vello -trátase dunha circunstancia pouco común 
e que a miúdo implica un crecemento de vello fino e longo en todo o corpo-, ou adquirida, xa que se desenvolve nalgún momento da vida, xeralmente como consecuencia doutras condicións como efectos secundarios de medicamentos ou trastornos metabólicos, hormonais ou endocrinos.