Case 30 hospitalizados menos en dous días reafirman a melloría firme de Galicia ante a Covid

Outro gran descenso de ingresados por coronavirus nos hospitais galegos permite á comunidade dispor dunha maior marxe de manobra en planta e na UCI, xa que, segundo o SERGAS, o pico da onda de gripe aínda se atrasará un pouco. Podería chegar nunha ou dúas semanas.

Con todo, a Covid-19 é nestes momentos unha preocupación manexable nos hospitais da comunidade. Os pacientes de coronavirus baixan por segundo día: despois de liberar onte trece camas en planta hoxe son catorce menos, o que deixa a conta en 156. Ao tempo, hai que contar con sete ingresados en UCI, un máis que onte. 

Os casos activos soben hoxe, como tamén o fixeron onte, con 62 máis. Son 109 máis en 48 horas. No entanto, isto non impide que o descenso diario de Galicia, segundo indica a media móbil semanal, atópese por encima do 2%. Os contagios tamén caen a pouco máis dun centenar e hoxe non se otifican decesos por Covid. 

O Servizo Galego de Saúde (#Sergas) rexistra este venres un aumento dos casos activos de Covid-19 até os 1.481 (+62), mentres que descenden os hospitalizados até os 163 (-13), así como os contagios notificados nas últimas 24 horas, 105 (-5).

Ademais, Sanidade non notifica falecementos nas últimas horas, co que a cifra se mantén en 3.972 óbitos desde que comezou a pandemia de coronavirus. Por contra, curáronse un total de 681.660 galegos.

No que respecta aos casos activos, é dicir, persoas que actualmente atravesan a enfermidade, aumentan en máis de medio centenar, até os 1.481, de acordo cos datos publicados este xoves, actualizados ás 18,00 horas do xoves.

A subida é practicamente xeneralizada, con tan só unha excepción: a área de Ourense, onde baixan as infeccións activas até as 274 (-13).

Aumentan, con todo, na área sanitaria da Coruña, a 289 (+21); en Pontevedra, a 137 (+6); en Santiago, a 180 (+9); en Vigo, a 301 (+32); en Lugo, a 166 (+4); e en Ferrol, a 134 (+3).

En canto aos hospitalizados covid, baixan en todos os distritos sanitarios menos na área de Vigo, onde aumentan até os 33 (+2).
 

Nas restantes, diminúen os ingresados nas áreas de Santiago a 19 (-3); en Ferrol, a nove (-1); en Pontevedra, a nove (-3); na Coruña, a 51 (-5); en Ourense, a 29 (-1); e en Lugo, a 13 (-2).

Por último, o Sergas detectou nas últimas 24 horas un total de 105 novos positivos en Covid-19, cinco menos que na xornada anterior. De todos eles, a área de Vigo concentra 30 casos; seguida pola da Coruña, con 25; Santiago e Lugo con 14 cada unha; Pontevedra e Ourense con oito, respectivamente; e Ferrol, con seis.