481 mortes tras efectos adversos coas vacinas da covid entre 40 millóns de españois

En España teñen a pauta completa 40.677.172 persoas, segundo o Ministerio de Sanidade. Por tanto, houbo un 0,001% de falecementos coñecidos en persoas que antes notificaran algún efecto adverso tras haber vacinado contra o coronavirus. 

A porcentaxe de mortes relacionados coas vacinas probablemente sexa moito menor en realidade, pois Sanidade indica que  na maioría dos casos a morte "pódese explicar a situación clínica previa do paciente e/ou outros tratamentos que estivese a tomar".

Os últimos datos oficiais da covid en Galicia mostran que a enfermidade segue tendo unha transmisión relevante -posiblemente moito máis masiva do que indican as cifras oficiais, debido ás poucas probas- pero os índices de letalidad e de hospitalización seguen sendo bajísimos grazas, precisamente, ás vacinas. Por exemplo, a letalidad a 30 días da covid en Galicia está nun 0,75% cando no inverno de 2.021 rozou o 4%.

A última vacúa de reforzo aos maiores e vulnerables inxectada este outono tamén  axuda a entender porqué, a pesar destes niveis de transmisión notables impulsados polo frío e a falta de medidas de distanciamento, hai menos de 150 hospitalizados. Son  menos da metade dos que había por estas datas en 2020, antes das vacinas. Unha drástica melloría que se aprecia  a pesar de que entón, en 2020, os contagios eran moitos menos, debido ás restricións, hoxe case desterradas por completo.

Até o 13 de novembro de 2022, administráronse en España 108.694.855 dose de vacinas fronte á COVID-19, haber rexistrado 83.093 notificacións de acontecementos adversos, segundo o 18º Informe de Farmacovigilancia sobre Vacúas COVID-19, publicado polo Ministerio de Sanidade.

Os acontecementos notificados con máis frecuencia, tal e como se reflicte no traballo, seguen sendo os trastornos xerais (febre e malestar), do sistema nervioso (cefalea e mareos) e do sistema musculoesquelético (mialgia e artralgia).

A maioría das notificacións corresponden a mulleres (73%) e a persoas de entre 18 e 65 anos (82%). Agora ben, desde Sanidade lémbrase que os acontecementos adversos que se notifican non significa que estean relacionados coa vacinación, polo que non son reaccións adversas, nin son de utilidade para comparar o perfil de reaccións adversas das diferentes vacinas.

Así mesmo, das 13.820 notificacións de acontecementos adversos consideradas graves recibidas até o 13 de novembro de 2022, 481 presentaron un desenlace mortal.

Na gran maioría dos casos notificados nos que consta información sobre os antecedentes médicos e a medicación concomitante, o falecemento pódese explicar pola situación clínica previa do paciente e/ou outros tratamentos que estivese a tomar, e as causas de falecemento son diversas, sen presentar un patrón homoxéneo.

"A vacinación non reduce as mortes por outras causas diferentes á COVID-19, polo que durante a campaña de vacinación é esperable que os falecementos por outros motivos diferentes sigan ocorrendo, en ocasións en estreita asociación temporal coa administración da vacina, sen que iso teña relación co feito de ser vacinado", destaca o informe.