Saúde Pública aconsella administrar xuntas a dose de recordo da Covid coa vacina da gripe

A Comisión de Saúde Pública do Consello Interterritorial do Sistema Nacional de Saúde (CISNS) recomendou que se administren de maneira conxunta as vacinas da COVID-19 e da gripe, tras unha reunión este xoves. Lembraron tamén que estas vacinas poden combinarse con outras, como a do neumococo e deben administrarse "sempre que haxa dispoñibilidade de ambas as vacinas".

O vindeiro luns, 26 de setembro, dará comezo a campaza de vacinación da segunda dose de reforzo da vacina do coronavirus, segundo informou a Comisión. Comezarase polas residencias de maiores e por persoas de máis de 80 anos.

Unha vez finalizado este grupo, recoméndase a vacinación con dose de reforzo á poboación adulta de 60 anos ou máis, persoas internas en residencias de maiores e outros centros de discapacidade, así como a menores de 60 con condicións de risco. As doses de recordo desta campaña de outono realizarase coas novas vacúas que están xa adaptadas a variantes do virus, precisou a Comisión.

En canto ao persoal sanitario e sociosanitario refírese, recomendou á adminstración dunha dose de recordo ao persoal dos centros, servizos e establecementos sanitarios, tanto de Atención Primaria como Hospitalaria, a persoas que traballan en servizos de emerxencias de saúde en contacto con pacientes e persoal de residencias de maiores ou de atención á discapacidade.

A todas as persoas menores de 60 anos que non teñan completa a súa pauta de vacinación ou non se vacinaron aínda fronte á Covid recoméndaselles que acudan a inmunizarse.

A Comisión de Saúde Pública ha aprovado o Primeiro Programa Bienal de Actuación do Plan Estratéxico Saúde e Medio Ambiente (PESMA) 2022-2023. Desta maneira preténdese dar cumprimento ao establecido no Plan, na promoción de contornas saudables para a poboación, a redución da carga de enfermidades e a identificación de novas ameazas para a saúde derivada de factores ambientais.

A Comisión aprobou tamén a actualización da Guía de Cribado da infección polo virus da Hepatite C (VHC).