Accidente laboral en Lalín: morre un operario tras caer desde un guindastre en Goiás
A vítima caeu desde unha altura duns seis metros de altura. Os equipos de emerxencias non puideron facer máis que confirmar a morte do operario.
Un operario faleceu este venres en Lalín tras sufrir unha caída desde un guindastre duns seis metros de altura.
Tal e como informou o 112 Galicia, o accidente produciuse sobre as 14.40 horas no lugar da Igrexa, na parroquia lalinense de Goiás.
Até o lugar trasladáronse efectivos do GES de Lalín, axentes da Garda Civil, Policía Local e Protección Civil, así como os profesionais do Servizo de Urxencias Sanitarias de Galicia-061.
Aínda que nun primeiro momento os servizos sanitarios comunicaron que se ía a mobilizar un helicóptero medicalizado, finalmente foi anulado xa que o traballador faleceu no punto.
Escribe o teu comentario