Un ferido tras sufrir unha saída de vía e envorcar co seu vehículo en Sanxenxo

Unha persoa resultou ferida despois de sufrir unha saída da vía e envorcar co seu vehículo en Sanxenxo. Como consecuencia do golpe, o vehículo danou un poste da rede eléctrico que deixou a estrada sen luz. O accidente produciuse na estrada PO-308 ao seu paso por Vos Cotos, en Dorrón.

O 112 Galicia informou de que o accidente se produciu ás 6:00 horas desta mañá. Varias persoas alertaron á central de emerxencias, que xa había tamén recibido o aviso a través do sistema de alerta automático do que dispoñía o vehículo. 

O 112 mobilizou ata o punto aos servizos sanitarios e á Policía Local que acudiron ao lugar para comprobar se o condutor marchouse do lugar do sinistro como aseguraba unha das persoas que se puxo en contacto co servizo de emerxencias.

Con todo, os profesionais de Urxencias Sanitarias de Galicia-061 confirmaron o traslado dunha persoa ao Hospital Miguel Domínguez de Pontevedra. Neste operativo tamén interveu persoal de limpeza e mantemento da Axencia Galega de Infraestruturas para restablecer as condicións de seguridade da vía.
 

ACCIDENTE NA PROVINCIA DA CORUÑA

Por outra banda, o 112 Galicia tamén tivo coñecemento dun sinistro semellante no lugar de Traba, no concello coruñés de Laxe.

Sobre as 04:00 horas desta madrugada produciuse un sinistro semellante no municipio coruñés de Laxe, no lugar de Traba. O Centro Integrado de Atención ás Emerxencias tivo constancia dunha saída de vía dun vehículo que levou por diante un poste de teléfono e outro de rede eléctrica.

Os serivios sanitarios, os membros do GES de Ponteceso e os voluntarios de Protección Civil da localidade tiveron que atender a unha persoa.

Así mesmo, tamén foron avisados os técnicos das empresas subministradoras dos servizos de electricidade e telefonía para a reparación dos danos.