A número dous do PSOE Adriana Lastra dimite citando "importantes cambios na miña vida persoal"
O presidente do Goberno aplaude o seu labor entre rumores de tensións internas no partido tras os pésimos resultados en Andalucía. A Pedro Sánchez preséntaselle agora unha boa oportunidade para facer cambios no partido que poderían ter repercusións tamén na parte socialista do executivo. As eleccións locais e autonómicas son dentro de menos dun ano e aos socialistas, vistas as enquisas, fanlles falta revulsivos políticos e de imaxe.
A política levaba días cunha axenda moito menos apertada, levaba sempre máscara e deixara de fumar, o que apunta a un probable embarazo.
A número 2 do PSOE, Adriana Lastra, dimitiu este luns como vicesecretaria xeral do partido, segundo fixo público nun comunicado.
"Para unha militante socialista, ser vicesecretaria xeral é unha das responsabilidades máis fermosas que existen", asegura no texto, onde tamén admite que "nos últimos meses producíronse cambios importantes na miña vida persoal que me esixen tranquilidade e repouso".
APOIO DE MONTERO
A ministra de Facenda, María Jesús Montero, foi unha das primeiras que quixo transmitir o seu agarimo especial cara a Lastra, a quen considera a súa amiga.
Montero dixo en Telecinco que Lastra vive unha "situación persoal particular" e que supón que detrás desa situación está a súa dimisión.
Escribe o teu comentario