Falece un menor en Ourense ao caer da xanela dun edificio

Un menor faleceu este sábado en Ourense tras caer desde unha xanela dun edificio situado na rúa Castro Canseco, no barrio do Couto.

Segundo informou o 112 consultado Europa Press, foi ao fío das 14,00 horas cando un particular solicitou asistencia sanitaria urxente para unha persoa que estaba tendida na beirarrúa.

A central de emerxencias deu aviso a Urxencias Sanitarias de Galicia-061 e á Policía Nacional.

O alcalde da cidade de As Burgas, Gonzalo Pérez Jácome, lamentou o falecemento do novo, por causas que aínda están por determinar e transmitiu as condolencias á familia.

"Un suceso tráxico conmove, pero conmociona especialmente cando se trata dun menor. Lamentamos o falecemento este mediodía dun raparigo, tras unha caída dunha vivenda en Ourense (causas aínda por determinar). Transmitimos as condolencias á súa familia", publicou o alcalde na súa rede social X.