As débedas de Castelao Productions afogan á vella Filmax, con máis de 140 millóns de números vermellos
Máis de 110 millóns de débeda con bancos, litixios contra Facenda, un larguísimo concurso de acredores... Moitas circunstancias abocan á produtora á súa disolución.
O bo momento do audiovisual galego pode medir de moitas maneiras: premios, despacho de billetes, repercusión mediática... Onde non pode competir é no plano empresarial pola crise que arrastran algunhas produtoras como Castelao Productions (antiga Filmax), con algo máis dun 9% do seu capital en mans Sodiga, sociedade galega de capital risco. Cos irmáns Xullo e Carlos Fernández á fronte, o buraco da firma é de máis de 140 millóns de euros, o que a deixa nestes momentos ao bordo da disolución.
EN VERMELLO, PERO UNHA FESTA POLAS súas 70 ANOS
A sociedade de capital risco da Xunta ten nesta herdeira de Filmax Entretainment unha importante rémora nos seus intereses. Xestionada por Xesgalicia, desde Sodiga teñen que facer fronte ano a ano a un gasto que roza os 7 millóns de euros ao posuír un 9,23% de Castelao Productions, que ten unhas reservas en negativo duns 117 millóns, aínda que todo isto non evitou que botasen a casa pola xanela para celebrar o 70 aniversario do selo na sala Bataplán de San Sebastián durante o Festival de cine da cidade.
As evidencias non deixan ben parada á produtora, que tivo que declarar o peche en 2022 por unhas perdas acumuladas de 76,2 millóns de euros e unha longa lista de xuízos coa Facenda pública que aínda teñen que dirimir nos xulgados cataláns.
A iso, hai que sumar máis dunha década de concursos de acredores e os litixios que manteñen por modificar o convenio de acredores con bancos -que acumulan a maioría da débeda, roldando esta os 114 millóns- e outros moitos pendentes de cobro para que o seu vencemento se alargue até 2027 coa perspectiva de rebaixar, ao tempo, a contía fixa a pagar.
Os auditores de BDO deixaron claro que, na situación actual, é imposible seguir o rastro dos números vermellos que arrastra a distribuidora e produtora cinematográfica, o que fai difícil de crer que poida reflotar sen unha importantísima inxección de capital que, neste momento, non parece probable, aínda que a súa cifra de negocio nas contas de 2022 fose de 13,3 millóns de euros. A dúbida é se esta crise poderá arrastrar a Produccions A Fonsagrada, con encargos da #TVG para producir docu-series.
Escribe o teu comentario