Axencia de viaxes no Camiño, Santiago Ways, di alcanzar os 25 millóns de facturación

O grupo de operadores de turismo especializados en sendeirismo, Santiago Ways e Orbis Ways,  din que chegaron aos 25 millóns de euros en vendas ao peche do ano 2023. Estas empresas, fundadas polo empresario español Joseba Menoyo, souberon aproveitar eel nicho de mercado das viaxes de sendeirismo.

A compañía asegura que este nicho, valorado en aproximadamente 1.000 millóns de euros, presenta un potencial de crecemento considerable dentro da industria turística. O segmento de walking holidays está a experimentar un crecemento anual explosivo de máis do 30%, reflectindo o crecente interese dos viaxeiros por explorar destinos a través de camiñadas autoguiadas.

Joseba Menoyo fundou Santiago Ways en 2016, aproveitando as plataformas dixitais para conectar experiencias na natureza con viaxeiros de todo o mundo. Tras o éxito de Santiago Ways, especialmente entre os viaxeiros internacionais, Menoyo estableceu Orbis Ways en 2020, unha empresa especializada en sendeirismo autoguiado en todo o mundo.

Desde a súa fundación, estas empresas experimentaron un crecemento significativo. En só tres anos, pasaron de alcanzar o seu primeiro millón en vendas en 2020 aos 25 millóns en 2023. Máis do 80% das súas vendas son internacionais, con mercados crave como Alemaña, Austria, Suíza, países anglosaxóns e países de fala hispana.

Joseba Menoyo ten grandes expectativas de crecemento para os próximos anos. Espera un crecemento entre un 20% e un 30% para alcanzar vendas de 30 millóns en 2024 e 35 millóns en 2025. Ademais, a meta é alcanzar o cliente número 100.000 en 2024, co 90% destes viaxeiros sendo internacionais.
 

Actualmente, ambas as empresas empregan a máis de 40 persoas en España. Realizouse un investimento significativo no desenvolvemento da proposta comercial e en software computacional para a xestión de viaxes, utilizando intelixencia artificial para mellorar a eficiencia e reducir as incidencias.