Vívese ben en Galicia? Cinco cidades do país, entre as máis felices de España

Vívese ben en Galicia? Os galegos cremos que si e, ademais, hai moitos indicadores obxectivos que apuntan neste sentido. Así o indica un novo estudo, que sitúa a moitas localidades do país como entre as máis ‘felices’ de España.

A consultora SW Demoscopia acaba de publicar o seu Índice Municipal de Felicidade (IMF), que estuda a percepción da calidade de vida dos 100 municipios de España con máis poboación. 

Pois ben, cinco dos vinte e cinco municipios máis felices de España son galegos. Están todas as cidades de Galicia, salvo Ferrol e Vigo.

Así, Lugo ocupa o cuarto lugar, cun  10 en calidade do aire e un 9 en vivenda. Ourense o noveno -cun 9 en tempo de desprazamento- Pontevedra o quincuaxésimo -con boa nota en calidade do aire a pesar da presenza de ENCE-  Santiago o decimoséptimo -con boas notas en emprego e tempo de desprazamento- e A Coruña o vixésimo quinto, a pesar de sacar unha mala nota en transporte urbano. Vigo estaría no posto 35  e Ferrol non salgue no ranking pois non entra no centenar de concellos máis poboados dos Estados.
 

A cidade máis feliz de España sería Logroño -coa máxima nota posible en calidade do aire- seguida de Pozuelo -un 10 en emprego, ingresos e parques- e o tamén madrileño Las Rozas. As menos recomendables, Ceuta e Melilla. 

É fiable leste ranking? A súa autora é unha consultora das que publica enquisas electorais. SW Demoscopia defínese como “líder en Andalucía”. Curiosamente, a pesar da súa condición andaluza, a propia empresa recoñece que “Andalucía enfronta desafíos en termos de benestar” pois  “dos 10 últimos lugares no ranking, 8 deles son municipios andaluces”.  Así que, polo menos, pódese afirmar que os autores non tiraron para casa.

Para obter os resultados deste estudo realizaron unhas 3.500 entrevistas telefónicas e unhas 7.000 en liña nos 100 concellos máis poboados de España entre veciños maiores de 16 anos. A mostra en tamaño é superior a moitas sondaxes estatais de empresas privadas, que adoitan publicar cunha mostra duns 1.000 entrevistados.
 

Como se calcula? O "Índice Municipal de Felicidade" é un indicador composto que proporciona unha avaliación cuantitativa do benestar dos residentes nos 100 municipios máis poboados de España. Este índice vai máis aló da simple medición de factores económicos, abarcando unha ampla gama de variables que teñen un impacto directo na calidade de vida das persoas.

O cálculo do índice baséase na recompilación e análise de datos en dez áreas crave: taxa de emprego, vivenda, renda per cápita, transporte urbano, recollida de lixos e limpeza, seguridade, superficie de zonas verdes, tempo de desprazamento ao traballo, calidade do aire e satisfacción cos servizos de saúde. Estas dez variables se promedian para obter unha puntuación xeral.

Con todo, esta media pondérase adicionalmente con diferentes variables que miden a autopercepción da felicidade dos habitantes. Estas variables de autopercepción poden capturar aspectos do benestar que non se reflicten necesariamente nas outras dez variables obxectivas. Por tanto, este índice municipal de felicidade reflicte tanto variables obxectivas como subxectivas. 

Tradicionalmente, en España considérase que os andaluces son os máis felices. Un tópico que o estudo pon en solfa pois “se observa unha clara división norte-sur, sendo os municipios máis meridionais os que ocupan as últimas posicións do IFM, uns datos que refutan a percepción, xeralmente positiva, que se ten sobre a felicidade percibida entre os residentes dos municipios do sur de España”.