Compromiso da Xunta co sector vitivinícola na XLII Feira do Viño de Quiroga

O conselleiro do Medio Rural en funcións, José González, remarcou as diferentes liñas de axudas destinadas polo seu departamento á ordenación, fomento e á promoción do viños galegos na XLII Feira do Viño de Quiroga.

No acto, o conselleiro entregou un galardón de recoñecemento ao labor de Adegas Algueira, unha das 13 participantes e agrediu ser convidado ao evento, consolidado como unha das citas de referencia na exaltación do viño de Galicia.

Segundo informou a Xunta, o conselleiro incidiu nas axudas para a reestruturación e reconversión de viñedo, que teñen como obxectivo incrementar a competitividade das explotacións vitivinícolas, adaptar o cultivo do viñedo ao cambio climático e avanzar na súa sustentabilidade.

González lembrou que a convocatoria destas axudas para este 2024, dotada con catro millóns de euros, foi publicada o pasado martes no DOG e o prazo para solicitalas está aberto até o 26 de abril.

Así mesmo, subliñou a calidade dos viños galegos, concretamente os da Denominación de Orixe Ribeira Sacra, protagonistas da Feira e incidiu na súa situación nun "enclave excepcional", caracterizada por un "microclima moi particular" que os define "dentro e fóra" das fronteiras de Galicia.