O Trofeo Teresa Herrera recadará fondos para familias ucraínas
O Trofeo Teresa Herrera, que enfrontará ao Real Club Deportivo e ao equipo ucraíno Metalist, recadará fondos para familias ucraínas refuxiadas en Kharkiv.
Segundo informou a alcaldesa da Coruña, Inés Rey, na presentación da 77ª edición masculina e 10 feminina do Trofeo Teresa Herrera, o evento deportivo recadará fondos para familias ucraínas refuxiadas en Kharkiv.
"Uno dos trofeos con máis raíz na nosa cidade que, verán a verán, achéganos ao fútbol desde unha perspectiva menos competitiva e máis amigable poñendo o valor o xogo e a deportividade", sentenciou a alcaldesa no Palacio Municipal de María Pita.
Na presentación estivo acompañada do presidente do Real Club Deportivo, Antonio Couceiro, quen concretou os detalles sobre o evento futbolístico que terá lugar o vindeiro sábado 13 de agosto no estadio de Riazor da cidade herculina.
Este ano o Trofeo Teresa Herrera acollerá dous equipos estranxeiros que xogarán contra o Real Club Deportivo e o Dépor Abanca. Trátanse do club FC Famalicão, procedente de Portugal, que competirá contra o Dépor Abanca ás 18:00 horas e o Club Metalist Kharkiv, de Ucraína, que xogará o amigable contra o Real Club Deportivo ás 20,30 horas, no estadio de Riazor.
Escribe o teu comentario