A Coruña primeiro municipio en España en lanza un Plan de Igualdade no Deporte
O obxectivo é deseñar e levar a cabo acciones que contribúan a eliminar barreiras para as mulleres no ámbito deportivo. O Concello pide a achega de puntos de vista de clubs e deportistas locais.
O Concello da Coruña converteuse no primeiro municipio de España en poñer en marcha a elaboración dun Plan de Igualdade no Deporte. A iniciativa xurdiu do debate iniciado pola Comisión de Igualdade creada por decisión do Consello Municipal do Deporte e que está presidido pola alcaldesa, Inés Rey.
A partir de setembro, comezará a traballarse en profundidade nas bases deste regulamento coa idea de facer un diagnóstico cualitativo e cuantitativo da situación da muller no deporte coruñés. Desde a Concellería de Deportes, que dirixe Mónica Martínez, pediron a "máxima colaboración de todas as entidades e clubs relacionados co deporte".
"A pesar dos avances, o campo deportivo continúa sendo un dos que conta con maior brecha de xénero. Isto pódese ver non só no número de equiposy deportistas femininas, senón tamén na súa pouca presenza en estamentos técnicos,arbitrais e de xestión", dixo a alcaldesa, Inés Rey.
Escribe o teu comentario