Outro veleiro remolcado na Costa da Morte despois dun novo encontro cun grupo de orcas

Dous adultos e tres menores tiveron que ser asistidos por Salvamento Marítimo despois dun novo episodio con orcas na costa de Galicia. 

O veleiro tivo que ser remolcado ao norte da Coruña tras sufrir a rotura do temón logo do encontro cos curisoso animais.

Un novo incidente protagonizado por orcas en Galicia provocou que un veleiro tivese que ser remolcado ao norte da Coruña tras sufrir a rotura do temón.

Segundo informa Salvamento Marítimo a Europa Press, sobre as 13,00 horas, o veleiro 'Triola' pediu auxilio despois de recibir varios golpes por partes dunhas orcas.

Dous adultos e tres menores conformaban a tripulación da embarcación, que foi remolcada pola Salvamar Betelgeuse.

Nas últimas semanas, tiveron lugar diversos incidentes con orcas en augas da costa galega, varios deles nos últimos días na Costa da Morte.