O Goberno elevará a previsión de crecemento, pero non tanto como di De Guindos
O ministro manifestou que a economía española podía crecer ata un 3% en 2018, lonxe das previsións do BdE e o FMI.
O presidente do Goberno avanzou este venres que o Goberno elevará "en próximas datas" a súa previsión de crecemento económico para este ano e situaraa "polo menos no 2,5%", fronte ao 2,3% actual.
"Este ano 2018 vai ser un bo ano, fixaramos a previsión de crecemento no 2,3%, pero en próximas datas ímola actualizar e ímola situar polo menos en 2,5% en 2018 no conxunto do país", anunciou Rajoy durante a súa intervención no acto de conmemoración do 50 aniversario do Aeroporto de Alacante-Elxe.
Rajoy destacou os tres últimos anos de "crecemento puxante", xa que nos exercicios 2015, 2016 e 2017 España creceu por encima do 3%.
O Executivo rebaixou do 2,6% ao 2,3% a súa previsión de crecemento para este ano no plan orzamentario que lle remitiu a Bruxelas a mediados de outubro polo impacto da situación política en Cataluña.
De Guindos falou esta semana de que a economía española podía chegar a crecer ata un 3% en 2018, lonxe das cifras que manexa agora o Executivo, así como o Banco de España e o FMI.
Escribe o teu comentario