Neira Vilas reaparece no escenario literario con dous libros inéditos

|


Neira Vilas xornaleiro galegas Che EDIIMA20140619 0529 4


Os xenios afán sorprender, aínda moito despois de que xa non estean entre nós. Caso de Neira Vilas, que case tres anos despois do seu adeus encherá de novo as librerías con dous novos libros inéditos. A Editorial Galaxia será a encargada de sacar un volume de memorias que sairá á luz en abril de 2018 e dunha obra de corte máis intimista que se dará a coñecer en 2019.


Estas dúas obras foron achadas durante a labor de catalogación da obra do escritor na Fundación Neira Vilas, e recolleranse dentro da Biblioteca de Autor que, xa en vida, a editorial dedicou ao escritor de 'Memorias dun neno labrego'.


O primeiro libro, que sairá publicado este ano, titúlase 'De Gres a Cádiz', onde o autor recolle, en primeira persoa, recordos que empezou a escribir en xaneiro de 1996 e cos que el mesmo recoñeceu abordar "unha parte da súa vida con nostalxia e coa idea de revelar a Galicia aldeá de varias décadas atrás". En concreto, fai unha crónica da primeira parte da súa vida cun repaso ás súas vivencias entre a súa estancia en Gres, parroquia de Vila de Cruces (Pontevedra) onde naceu, e a súa chegada a Cádiz, desde onde se embarcou aos 20 anos cara a América. A edición corre a cargo da profesora da Universidade de Santiago Dores Vilavedra.

relacionada Roi Casal leva este domingo a Verín un espectáculo en homenaxe a Neira Vilas

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress