​Só tres autonomías creceron menos que Galicia en 2017

|

Diñeiro economia moeda


O produto interior bruto (PIB) de Galicia creceu un 2,8% en 2017, cun incremento que foi do 0,6% no cuarto trimestre (respecto ao anterior).


Desta forma, o aumento de todo o ano situouse por debaixo da media estatal (3,1%), segundo a estimación da Autoridade Independente de Responsabilidade Fiscal (AIReF) realizada coa metodoloxía METCAP.


Baleares e Murcia, cun crecemento do 3,7%, e Comunidade Valenciana, cunha alza do PIB do 3,6%, foron as comunidades autónomas que máis creceron o pasado ano.


Tamén por encima da media situáronse rexións como Canarias (+3,5%), Aragón e Navarra (+3,4% en ambos os casos), Cataluña e Madrid (+3,3% en ambos os casos) e A Rioxa, cun crecemento do 3,2%. Igualando a media (+3,1%) aparecen Andalucía e Cantabria.


O resto de comunidades creceron menos que o conxunto de España e o menor crecemento rexistrouno Estremadura, cun incremento do 2,1%, un punto por baixo da media nacional; mentres que Castela e León, cun 2,2%, foi a segunda que menos creceu en 2017, segundo a AIReF.


Asturias, cunha alza do PIB do 2,7%, e Castela-A Mancha, Galicia e País Vasco, as tres cun crecemento do 2,8%, tamén experimentaron un crecemento por baixo da media.


A AIReF publica os datos unha vez que o Instituto Nacional de Estatística (INE) publicou o dato de avance trimestral do PIB de España, como ocorreu onte, cando adiantou que a economía española creceu un 0,7% no cuarto trimestre e un 3,1% no conxunto do ano.


relacionada ​Guindos cre que España necesita dous anos máis para saír da crise
relacionada ​CCOO e o PSdeG reclaman que este "quinto ano de crecemento" chegue ás familias

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress