A alerta laranxa por temporal esténdese a todo o litoral de Lugo

Doutra banda, os termómetros rexistran a temperatura máis baixa en Manzaneda, con -2,8º


|


Ondada


A Dirección Xeral de Emerxencias e Interior da Vicepresidencia da Xunta amplía a alerta de temporal de nivel laranxa vixente no noroeste e oeste da provincia da Coruña a todo o litoral da provincia de Lugo.


Segundo informa Vicepresidencia nun comunicado, de acordo a os datos da Axencia Estatal de Meteoroloxía (Aemet) este xoves espérase mar combinada de noroeste, con ondas de entre cinco e seis metros no noroeste e oeste da provincia da Coruña e no litoral da de Lugo.


No resto do litoral a partir da tarde deste xoves espérase alerta amarela con mar combinada do noroeste, puntualiza Vicepresidencia. Ademais, está activa a alerta amarela por acumulación de neve nas provincias de Lugo e Ourense. Así, espéranse cinco centímetros ao redor de 800 metros de altitude e superiores a 15 centímetros a partir dos mil metros.


BAIXAS TEMPERATURAS


Os termómetros baixaron este xoves ata os 2,8 graos baixo cero na localidade ourensá de Manzaneda, que alcanzou a mínima en Galicia.


Segundo os datos publicados por Meteogalicia, recollidos por Europa Press, tamén se rexistraron temperaturas baixo cero noutros puntos da provincia de Ourense, como na Veiga e Carballeda de Valdeoras (-2,5ºC); e na de Lugo, como en Pedrafita (-1,1ºC) e Cervantes (-1ºC).

relacionada Os pesqueiros galegos permanecen amarrados en porto por culpa do temporal
relacionada Activada a alerta laranxa no litoral da Coruña por temporal

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE