"Paisaxe ordenada e urbanismo sustentable", eixos da nova Lei de Ordenación do Territorio
Mato defende que a actualización da norma que leva 20 anos vixente reforzará a "protección".
A conselleira de Medio Ambiente e Ordenación do Territorio, Beatriz Mato, avanzou que o seu departamento presentará no próximo mes de febreiro a nova Lei de Ordenación do Territorio para "actualizar" unha norma que leva xa máis "20 anos de vixencia".
Beatriz Mato fixo este anuncio durante a súa comparecencia no pleno do Parlamento de Galicia, na que deu conta sobre as liñas estratéxicas da súa Consellería para o presente exercicio.
"Son a mostra do gran compromiso da Xunta coas políticas que permiten dotar a Galicia dunha paisaxe ordenada e dun urbanismo sustentable", manifestou Beatriz Mato, que destacou a aposta do Goberno galego por "implementar un novo marco" que colocará á Comunidade galega "na vangarda da protección do territorio".
Escribe o teu comentario