​Segundo día de procura dun vigués desaparecido o domingo

O luns participou un helicóptero.

A Policía mantén activo o dispositivo de procura para localizar a un veciño de Vigo, de 38 anos de idade, que está en paradoiro descoñecido desde o pasado domingo pola noite.

Segundo informaron fontes policiais, os labores de procura non se centran en ningún punto concreto, e compróbanse "aqueles lugares que o desaparecido poida ter de referencia".

Nas últimas horas, os esforzos dos corpos policiais concentráronse na contorna das antigas instalacións do Grupo de Empresas Álvarez, en Cabral, porque varios testemuñas situaban o veciño desaparecido pola zona. Con todo a procura, que contou con apoio dun helicóptero da Policía Nacional, non tivo resultados.

Os indicativos do 091 que están de servizo en Vigo foron alertados e todos os axentes contan cunha descrición e unha fotografía do home, como é habitual cando se pon en marcha o protocolo para desaparicións.