​O PP chámalle a Caballero "líder bolivariano de Ponteareas"

Os populares de Vigo denuncian unha visita a un colexio onde decenas de nenos foron "obrigados a adular ao señor alcalde".


|

Javier dourado pp vigoJavier Dorado compara a situación con Corea do Norte e Venezuela.


O PP denunciou este luns o "intento de adoutrinamento político" de nenos dun colexio de Vigo, "para alimentar o ego do alcalde", en referencia a unha visita de Abel Caballero ao CEIP Lope de Vega a pasada semana, na que os alumnos se congregaron en torno ao rexedor para interpretarlle a canción Vaya tío (que o artista Tony Lomba creou pensando no alcalde).


Nunha rolda de prensa, o secretario xeral do PP de Vigo, Javier Dorado, denunciou que, nesa visita de Caballero ao centro escolar, decenas de nenos foron "obrigados a adular ao señor alcalde", un episodio que cualificou de "bochornoso" e "máis propio dun réxime ditatorial que dunha democracia moderna e desenvolvida".


Javier Dorado apuntou que o sucedido "pódese vivir habitualmente en Corea do Norte, Venezuela e outros lugares similares", e subliñou que, se algo así chega a suceder en Cataluña "estaría a dar a volta a España".


O secretario xeral do PP vigués enmarcou este episodio na liña doutras situacións como a do "alcalde teloneiro" nos concertos que se celebran en Vigo ou "o alcalde protagonista da Cabalgata dos Reis Magos".


"LÍDER BOLIVARIANO DE PONTEAREAS"


"Agora dá un paso máis no que pode denominarse como o adoutrinamento político máis triste", incidiu, e referiuse a Caballero como "líder bolivariano de Ponteareas".


Nesa liña, Javier Dorado tamén se referiu ás denuncias de veciños sobre o mal estado da auga na zona de Canido, e ao feito de que algúns deles fixeron declaracións á televisión de costas á cámara. "A que teñen medo os vigueses? Teñen medo a represalias?", apostilou.


relacionada ​Os empresarios piden aprazar a resctricción aos camións
relacionada Os transportistas reclaman entendemento entre Caballero e a Xunta
relacionada Os informes autonómico e municipal pola auga dun colexio contradinse
relacionada Marea de Vigo acusa ó goberno de Abel Caballero de trampear as análises de auga

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE