O BNG reclama máis competencias sobre impostos e vías para mellorar as pensións
Entre as medidas que propoñen están recadar todos os impostos das empresas galegas e un complemento ás pensións máis baixas.
O BNG reclama para Galicia a xestión do sistema de Seguridade Social, co obxectivo de recadar todos os impostos das empresas con sede na comunidade, e defendeu medidas para incrementar as pensións que cobran os galegos, as segundas máis baixas de todo o Estado cuns 175 euros de diferenza de media.
En rolda de prensa, a portavoz nacional do Bloque, Ana Pontón, debullou algunhas das medidas que defenden os nacionalistas galegos, como calcular as pensións cos 15 mellores anos da vida laboral e que as persoas se poidan xubilar, de forma ordinaria, aos 65 anos.
Así mesmo, apostou por aumentar as pensións non contributivas, cun complemento autonómico de 100 euros ao mes, o que supoñería unha medida cun custo de 40 millóns de euros.
Báñez propón calcular a pensión durante toda a vida laboral pola inestabilidade do emprego
A subida das pensións non chega aos dous euros ao mes de media
Pedro Sánchez propón crear dous impostos á banca para custear as pensións
A Seguridade Social necesita outro préstamo para pagar as pensións deste ano
Escribe o teu comentario