As comunidades do noroeste buscan vías de colaboracion en políticas educativas

|

Aulaclaseprofesor


Os responsables autonómicos de educación de Galicia, Asturias e Castela e León analizan as súas políticas educativas este xoves e venres en León, co obxectivo de poñelas en común e explorar novas vías de colaboración.


O conselleiro de Cultura, Educación e Ordenación Universitaria, Román Rodríguez, participa na inauguración deste encontro xunto cos seus homólogos Fernando Rey (Castela e León) e Genaro Alonso (Asturias). Tamén asistirá o secretario de Estado de Educación, FP e Universidades, Marcial Marín.


Diso informou a Xunta nun comunicado, no que destacou que as tres comunidades presentan unha realidade socioeconómica similar, así como uns resultados educativos positivos nunha serie de indicadores comúns como son os servizos complementarios de transporte e comedor escolar, o impulso ao plurilingüismo e á Formación Profesional.


Neste sentido, tanto Román Rodríguez como os diferentes representantes da Consellería que participan neste encontro expoñerán a experiencia de Galicia nos ámbitos nos que, nos últimos anos, se realizaron esforzos para mellorar a calidade do sistema educativo galego. Algúns destes son, precisamente, a FP, a formación do profesorado ou a extensión das TIC.


relacionada Rexeitamento da comunidade educativa ao mapa escolar da Xunta
relacionada A aposta da Xunta pola educación concertada tradúcese en 360.000 euros máis
relacionada A Xunta eleva máis o orzamento para formigón que o do sistema educativo

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress